كان لازم أوجه دعوة حب لكل الناس بس أنا جايه أوجه سؤال ومعاه وردة
ليه دايما بنفرح لما نخدع بعض ؟
لية مش بنعرف نشوف الناس على حقيتها ؟
ليه الإنسان لما بيتعامل بحسن نية وطيبة نقول علية طيب وغلبان ؟
ليه الناس بتتعامل بشكل وجوها شكل تانى ؟
لية الناس بقت بألف وش ؟
لية الناس بتغدر بالناس وترجع تقول منعرفش ؟
لية بقينا عايشين مع الناس بمبدا خد وجرى ؟
هل الإنسان قاصر او قليل الخبرة ان ميعرفش يحكم على اقرب الناس لية ؟
ليه ولية وليه وليه مليون سؤال ومع كل سؤال بوجة وردة سودة
وردة سوده لكل قلب اسود لأنة عمرة ما هيعرف يكون جواة قلب ابيض لان إحنا بقينا في زمن النضيف نقول علية دة غلبان وطيب
وردة سوده لكل انسان مش صادق
وردة سوده لكل إنسان بيكرة مصلحة لأخوة
وردة سوده لكل إنسان مش بيعرف إلا يحسد ومش عارف يحمد ربنا على النعمة إلا في ايدة
دعوة حب لكل قلب ابيض
يتشرف القلب بان يدعوكم اليوم لكي نفتح لة الباب لكي يقول لكل أب وأم وأخ وأخت وحبيبة وحبيب وصديقة وصديق كل عام وانتم بخير ، كل عام وانتم سعداء ، كل عيد وحب وانتم متحابين
ويدعوكم لتقديم الورد وقبلها كلمة طيبة ورقيقة وقبل كل دة يكون قلبك ابيض
يتشرف القلب بان يدعوكم اليوم لكي نفتح لة الباب لكي يقول لكل أب وأم وأخ وأخت وحبيبة وحبيب وصديقة وصديق كل عام وانتم بخير ، كل عام وانتم سعداء ، كل عيد وحب وانتم متحابين
ويدعوكم لتقديم الورد وقبلها كلمة طيبة ورقيقة وقبل كل دة يكون قلبك ابيض
هناك 20 تعليقًا:
كل سنة وانتى طيبة يا ست الكل
بس مالك مغمقاها كده ليه حتى فى عيد الحب ؟؟ ايه يا عم الوردة السودا دى ؟؟ جبتيها منين يا مفترية ؟؟ من عزا واحد لسة مقتول على باب البلوج بتاعك واللا ايييييييه ؟؟
بس بينى وبينك انتى كلامك اسئلتك كلها صح بس مش عارفة اجاوبها لانى دايما بسالها لنفسى لما اخد على قفايا
ليه الناس غاوية تخدع وتكدب وتخون وتلبس وش الملايكة ولا كأنهم بيعملوا حاجة
وتلاقيهم بيعملوا دا بمنتهى راحة الضمير وعندهم كل المبررات والشماعات لقذارتهم
هففففففففف
عاجبك كده اديكى نكدتى عليا
اخررررررررسى
:))
يالا كل سنة وانتى طيبة يا قمر عليكى وعلى حبيبتك ويجعل كل ايامكم فرح وسعادة وحب
السلام عليكم
عزيزتى
اقسم لك بالله انا ما اعرف اى شىء عن التعليقات المجهوله دى
ومش تقولى انى مش عندى دين
لا عيب عليكى كده
لكن انا عذراكى لان التعليقات فعلا مش كويسه خالص
بس اظن انك شوفتى تعليقات المدونين اللى انا بتواصل معاهم وهما تواصلوا معاكى بالتعليقات بكل احترام وتقدير
لكن صاحب التعليقات المجهوله اللى مش كويسه دى انا برئيه منه ومن كلامه
لا تنظرى لنا على اننا مرضى ومش عندنا دينا وقومنا الدنيا لكن احنا تناقشنا معاكى او اغلبنا بكل احترام وتقدير
وبعدين اختى
انتى ليه زعلانه من التلات تعليقات الغير مهذبين دول
ما انا برضه جاتلى تعليقات العن من دى الف مره واحتسيبت وصبرت وحذفتهم
وكمان كانت تعليقات فيها اتهامات
طب انظرى لبعض اللى علقوا عندك انتى بغير معروف واتكلموا فى حقى برضه
على العموم انا بعتذر بالنيابه عن المجهول اللى علق التعليقات الغير مهذبه دى
مع انى اصلا بريئه من تعليقه
اه على فكره
تعليق استاذ عماد موجود عندى فى التعليقات
انا مش حذفته
هو موجود تقدرى تشوفيه زى ما هو قالك
انتى عارفه انى عامله اشراف ع التعليقات ممكن بس تاخد وقت لحد ما انشرها
على فكره كمان
انتى قولتى انى لا انتمى للاسلام باى صله
انا مسامحاكى
لانى عذراكى عشان التعليقات اللى عصبتك دى لانى افتكرت نفسى برضه اما اضايقت من التعليقات اللى كانت عندى برضه من مجهول
وانتى طيبة يا احلى سما فى الدنيا كلها
معلش اصل انا حسيت كلة احمر احمر قولت اغير وابقى اسود واعمل بوكية اسود فى احمر وتبقى ليلة يا عمدة
بعد الشر عليكى من النكد ويارب يكون جالك كدة ورد حمرا حلوة كبيرة من دودو يا ام قلب ابيض زى القشطة
كل سنة وانتى طيبة وبخير وسعادة عليكى وعلى دودو وخالى بالك منها شليها فى عينك
السلام عليكى
عزيزتى
انتى قولتى انك كتبتى تعليق عندى وانا مش نشرته
عفوا عزيزتى انا عامله اشراف وكان فى اربع تعليقات وكان بينهم تعليقك بدل ما انا اعمل نشر عملت حذف غصب عنى
كل سنة وانت طيوبة يا احلى عاشقة
لكن بصراحة انا زعلانة لانى حاسة
بأكتآب وصداع بسبب ما قراتة من تعليقات و ردود فى مدونة ريمان ... لان اللى زعلنى ان بعد مقرات حوالى ساعة حسيت انى ضيعت وقتى أونطة
انا مش عارفة بس اية اللى فتح الموضوع دة .. اللى كل مرة يتفتح ويتقفل والناس تقعد تسرخ شوية وخلاص
انا عاوزة اقولك ان المشكلة الحقيقية انك لو عاوزة تناقشى موضوع زى دة مينفعش يكون لكل من هب ودب يعنى يا عزيزتى مينفعش ان موضوع بالحجم دة يبقى يتناقش فى الشارع وكل الى نفسة في كلمة يقولها
انا رايى ان بناسبة عيد الحب الجميل ياريت نتكلم فية بس وسيبك من اى مواضيع تانية اما موضوع المناظرة الفكرية الجبارة دى فمش هيجلنا منها غير الصداع بس - ما كل واحد عارف الحلال والحرام كويس قوى و مش محتاج حد يقولهولة وكل واحد عارف انة هيتحاسب من رب العالمين على كل افعالة و افكارة يبقى لية دائما لازم اعمل فيها مصلحة و شيخة وانى انا الوحيدة اللى بدافع عن الدين والباقة كلهم وحشين
انا اللى اعرفة ان اذا قررت انى اقرالك يبقى لازم احترم افكارك حتى لو عارضتنى ولو مش عاجبانى يبى اسيب المدونة واقرا غيرها مش اقعد اشتم فى الناس لانهم مش زيى , يعنى طبعا دول لايمكن انهم يتخيلو مثلا ان فية حد ممكن انة يتابع مدونة مثلية وتتفق معاها
وهى مش مثلية (اية التخلف دة ) هو مفيش فى دماغهم غير ان العلاقات الانسانية لاتقوم الا على اساس التوافق الجنسى بس .
المهم يا قمر عيد حب سعيد وكلة ورد احمر وابيض وفل وياسمين
ممممموووةة ليكي
ممممموووةة لحبك
كل سنه وانتي طيبه
وفعلا وردةسوده لكل النفوس القذرة والحاقدة ولكل ظالم
وشكرا لزيارة مدونتي
عاشقه حبيبتي
بجد كلامك ده مسني اوي ياما وجوه عليها ألف قناع و قناع يقع واحد تلاقي غيره
ربنا يبعدنا عن القلوب اللي زي دي و نلاقي قلوب بيضا فيها احاسيس حقيقيه و مشاعر مش مزيفه
تحياتي لقلمك الصادق جدا
انا جيييييت يا قمر جايه اشم الورد واقولك كل يوم وانت بحب وبالف خير
يا بنتي بدل منتي عامله بائعه الورد وشويه وهتنزل دموع الورد لازم تنشكحي بيوم مفترج زي ده
الحياه يا البي مليانه قلوب مريضه ونفوس تعبانه شمي الورده انت وسيبك من الشوك ولو جه بيوم وجرحك تعالي انا هلفلك ايدك وكله يبقى تمام ايدي بلسم يختي بلسم
فين البت حياتي وريري مش سمعالهم حس في محل الورد يعني؟؟
حبيبي كل سنه وانت طيبه وحبيبتك معاكي وبحضنك وهابي فالنتاين عليكم وعلى كل حبايبنا واصحابنا
اممممموه على بياض
عايزه ورده زرقا انا مليش دعوى
مش عارفه اسميها ايه الحركه الا عملاها
بقى البوست الا كله حب ورومنسيه وغرام تعلقي الكومنتات وسيبالنا البوست الا كله سواد ولطيم نعلق عليه
وانا زي الهبله عمال بكتب وفرحانه وبستنى الا بعده
هزلت يا بت هزلت
لا بجد حركه عسل بجد اسرتني كلها رومنسيه فاقت حتى الرومنسيه
كل عيد حب وحياتكم كلها حب
كل سنة وانتى طيبة
النفوس المريضة بتظهر على حقيقتها بعد وقت قصير اوى لانهم مش بيقدروا يلبسوا القناع كتير بيزول لوحده مع اول موقف
فاجعليهم كالثرى تحت قدميك
عيد حبى سعيد يا قمر
صديقتي
انا سبقتك مره وكتبت عن انواع القلوب ومنها القلوب الي تخدع وتكدب وتعمل نفسها بريئه دول ناس موجودين في كل مكان بس الي ربنا بكون وياه وقلبه صافي ومليان حب لا يمكن يلتقي فيهم وان صادفت ولقيهم يبقى علشان يتعلم شويه في الحياه وبرضه هو الي بينتصر في الاخر .
على راي سما انتي قلبتي المود من احمر منور لاسود مظلم . انا عمري ما بحمل ولا حاحمل ورده سودا حتى للناس الي تفكر تاذيني برضه رح اقدملهم ورده حب .
وربنا هو الي يحاسبهم بقه
بهالمناسبه كل عيد حب وانتي بتحبي وبتنحبي لان الحياه تبقى صعبه من غير الحب
دمتي بحب وسعاده يا رب
السلام عليكم
الاخت ريمان ارسلت لكى ردى عندك وبقولك ان انا لا شيطان ولا بدعوا لاى شئ يخالف تعاليم الله
ولكن لا اقبل من احد ان يحاسبنى ، حاسبوا انفسكم قبل ان تحاسبون غيركم فانتم لستم باهل لهذا وليس لخطا فيكم ولكن لانكم انتم بشر خطائين
لا اعلم ماذا استفتى من كل ما حدث اتمنى اعرف رايك ماذا عاد عليكى او على غيرك انكى جادلتى ويمكن موضوعك جعل البعض يتشوق ان يفعل ذلك وجعلتى البعض يقع فى خطى النقل والتحريف للقران والسنة
جزاكى الله خيرا عن مافعلتى وجعلة فى ميزان حسناتك بس يارب تكونى لقيتى علاج وتقوليلى بجد الحل اية انا بعترفلك اهو ان انا غلط يلى بقى امسكى بيدى حتى تاخذى الحسنات واما فقد وقعتى فى المحضور لانك ساعتى على نشر الفساد بدون العمل على تصحيحة وتركتية
تحياتى لك
دودو الصديقة الا بتوحشنى دايما
وحياتك انا كمان صدعت ومش عارفة انا كل ما اقول خلاص القيهم بيجروا رجلى على راى سما كل ما البس واقوم اقلع واقعد تانى
بس عموما انا بهديكى حديقة ورود كلها احمر وابيض لكى على كلماتك وقتك يا اجمل دودو
تحياتى
اموووووواة
غرام
شرفنى وجودك عندى ووردة بيضة لحضورك ووردة حمرا وكل عيد حب وانتى فى حب دائم ووردة سوداء لكل انسان غير صادق فى مشاعرة
تحياتى لك
عزيزتى مثلية تبحث عن زاتها
اولا كل عيد حب وانتى فرحانة ومبسوطة وكل يوم حب وانتى حسة بالسعادة والرضى عن نفسك
واجمل بوكية ورد احمر ملفوف بفيونكة بيضاء ومكتوب علية تقبلى تحياتى
انا وهى
والله والله انا بستنى تعليقك علشان يخرجنى من المود الوحش الا سعات بكون فية كل تعليقاتك بتموتنى من الضحك نفسى اعرف خفة الدم منين اكيد وخدة مخزون من حد اول حرم منة ام
متقوليش من حد تانى وربنا مش هصدق
كل عيد حب وانتى مع حبيبتك وسلامى ليهاوليكى احلى وردة حمرا
وانتى عرفانى اموت فى الرومانسية
عزيزتى قطة الصحراء
هما دائما تحت الاقدام بس الواحد بيزعل من ان الا يعمل فية كدة يكون من اقرب حد لية
تحياتى لك ونورتينى واجمل وردة وكل عيد حب وانتى فى حب
صديقتى الغالية ريم
انتى بالذات بهديكى حقل كامل من الورود البيضاء لان بجد انتى اكتر وحدة عرفتها قلبها زى العسل ربنا يسعدك يارب ويهنيكى ويخليكى اولادك
كل عيد حب وانتى سعيدة
إرسال تعليق