اة يا خاين يا أناني
أنت راجع تحب تانى
بيقولوا عليك حبيب أوى ومخلص أوى
وطلعت في الأخر كداب أوى
لا عندك قلب ولا عارف تحب
وتحب ليه وأنت الخاين
بس بكرة أفكرك ويجيلك يوم وتدردلك
وزى ما خونت لا بد من إنك تدوق
وبطل بقى وفوق
وقال جاى خايف تجرح وتخون
وحياتك صدقتك
وخايف من آية هو أنت عندك قلب
ولا تعرف تحب
روح بص في المرايا
وهتعرف سعتها أصل الحكاية
انك خاين أوى يا أناني
أنت راجع تحب تانى
بيقولوا عليك حبيب أوى ومخلص أوى
وطلعت في الأخر كداب أوى
لا عندك قلب ولا عارف تحب
وتحب ليه وأنت الخاين
بس بكرة أفكرك ويجيلك يوم وتدردلك
وزى ما خونت لا بد من إنك تدوق
وبطل بقى وفوق
وقال جاى خايف تجرح وتخون
وحياتك صدقتك
وخايف من آية هو أنت عندك قلب
ولا تعرف تحب
روح بص في المرايا
وهتعرف سعتها أصل الحكاية
انك خاين أوى يا أناني
هناك 22 تعليقًا:
إزيك..الساعة عندي دلوقتي 2:30ص لأن التوقيت اللي هيطلع مع التعليق مش صحيح ..عشان كدا هقولك صباح الخير..
عارفة أنا كل يومين عندي لفة على المدونات بجميع توجهاتهم..من المحيط للخليج..واليوم مدونتك كانت من المدونات اللي عليها الدور..ماتخافيش مافيش لاضرايب ولا جزاءات..
بس بما إني أحب الشعر قد حبي للبحر ..لا بصراحة ماظنش اني هحب شيء قد حبي للبحر..
قريت اللي كتبتيه:خاين وأناني..وفكرني بكلمات كنت كاتبتها من فترة..اتفضلي..وأتمنى تعجبك..
وبعتقد تقدري تقريها بالمصري أو حتى الخليجي..يعني Whatever
وتصبحي على خير لأن عندي دوام بكرا..ومرة تانية أتمنى تعجبك..
مسكين ياقلبي .. خانك ..
بعد كل تضحياتك..
نفسك عليه هانت..
***
مسكين ياقلبي..خانك..
فكر في نفسه ..وسابك..
***
نسى حبه..
نسى ..وعده..
نسى اللي ترك دنياه..وجاله..
نسى اللي دمه..ودمعه..وروحه..فدا له..
***
نسى اللي عد النجوم من ..سهاده..
نسى اللي ليله تساوى..بنهاره..
***
قليل الأصل..
ياقلبي إنساه..
وإنسى أيامه..
مايسوى دمع عينك يسيل..عشانه..
***
بكره تدور أيامه..
ويدوّر علينا..
ويتمنى يرجع لينا..
ويبوس قدمنا..
قبل إيدينا..
احساسي قالي في بوست جديد بس ابدا مقاليش هاجي الاقيه كله الم ووجع..
معرفش هو الانسان لما بيخون ميكنش عارف ابدا انه بيخون نفسه واحساسه وبيخون ضميره وانسانيته
صعب الاحساس ده اوي بجد مش بيتحس غير لما الا جرح وخان ييجي بيوم ويتخان...
اي حد يخون البك تأكدي بعمره ابدا ما هيعرف طعم الراحه والسعاده...وهيفضل عمره كله يتعذب
نفسي ادفن وجعك بألبي انا واقولك عن كل الناس وكل الدنيا حقك عليا انا ..
بجد حقك عليا
رايي انك مجروحة عشان كده كلامك طالع من القلب
اخت البحر
على فكرة الساعة فيها مشكلة عندك وعندى نفسى حد يحلهالى
وبختى جميل ان مدونتى من ضمن المدونات الا دخلتى تقريها وتشوفيها
عجبتنى جدا كلماتك خاصة
قليل الأصل..
ياقلبي إنساه..
وإنسى أيامه..
مايسوى دمع عينك يسيل..عشانه..
سؤال بدال كلماتك بهذة الرقة والابداع اين مدونتك
نورتى
صديقتىرورو
احساسك ديما صادق ولازم برضة يكون حاسس ان البوست هيكون حزين اصل نسيت اقولك انى انسانة مخلوقة للحزن والاة
كلامك وجعنى اكتر وحقى مش عليكى حقى على الزمن تعرفى تجبيلى حقى من الزمن
فكرة من الزمن دة
المجروح اوى والفرحان اوى هما افضل ناس تطلع الفرح والهم من قلبها
نورتى المدونة
قريت البوست كذا مرة امبارح واليوم بس من كم الالم الي فيه ماعرفت شو بدي احكي بس حاسة يوجعك
عندما يكون الالم بصمت مؤلم اكثر من البوح
احزني البوست كتير وشعرت بالقسى
عزيزتي انتي اقوى من هيك
والله المستعان
دمتي بخير
عزيزتى انجل
وحيات شوشو عندى اسألى رورو عن شوشو مين ان البوست دة لا يمسنى من قريب او بعيد بس خطر ببالى من فترة وكتبتة ونسيتة
علشانك انتى بس اعترفت بالسر دة لكن انا اصبحت اعشق الحزن ومن عشق الحزن اصبحت كلماتة كشرارة تمس القلب
شكرا لك
فى مثل بيقول الضربة الا متموتش بتقوى وتعرفك صحبك من الا بيمثل
سلام عاملة إيه..أكيد تمام ..بس الذوق يحتم علينا نسأل..ماعلينا..!
والله فكرة المدونة واردة بس دلوقتي صعب جداً ..مع الوظيفة وكمان تحضير الماستر..حتى أعز صديقاتي قالولي الفكرة دي..ماكنتش أعرف أي حاجة عن المدونات وعجبتني الفكرة جداً لكني هخليها للظروف..لازم هيجي يوم أجمع حروفي المبعثرة بخجل بين جوانب دفاتري النائمة بحذر تخاف من لحظة غضب أمزقها فيها..
بالرغم من إن كتاباتي تميل للسخرية اللاذعة مابحبش الحزن والشجن في الكتابة بحب الشقاوة والكوميديا السوداء..وتصدقي اللي أرسلتهالك كتبتها بلحظة يأس وكأني بطبطب على قلبي وسبحان الله ..اللي كتبته تحقق وترد اعتبار قلبي وكأني كنت عارفة إن ده هيحصل.
بس بصراحة مش ده الموضوع الأساسي للرد عليك اليوم..أنا عاوزة أقولك على السبب اللي خلاني أنشد لمدونتك..وأرد عليك مرتين مرة بإسم أخت القمر ومرة بإسم أخت البحر..وإنتي عارفة طبعاً بأن المدونات كتير وبمختلف التوجهات (وعلى أفا من يشيل) زي مابيقولوا..
لو تعطيني من وقتك دقايق عاوزة أقولك على السبب ويمكن مش راح تصدقيه..ولو جيتي للحق مش هستغرب لو ماصدقتنيش ..بس أول حاجة جات في بالي أما شفت إسم مدونتك وكمان فكرك بقصد توجهك..بقصد طبعاً..الحب المثلي..قلت بيني وبين نفسي مستحيل دي تكون صدفة..بس الظاهر هي صدفة وصدفة غريبة كمان..قد إيه الدنيا صغيرة مهما كبرت..
كنت في يوم سهرانة ومش جايني نوم..قلت بيني وبين نفسي ماتجربي انتي مش خسرانة حاجة كنت بضحك بيني وبين نفسي على الفكرة..وقررت أنفذ الفكرة..كتبت بجوجل:الوجه الآخر..طلعتلي مدونتك..والغريب بأن صاحبتها أنثى..واللي أغرب منه إنها بتتكلم عن الحب المثلي..
عاوزة تعرفي ليه قد كدا استغربت هقولك بس مش النهرده ..أعطيني من وقتك دقايق تقري فيها السبب واسمحيلي لأني هغيب لإلتزامات مهنية ودراسية بتحتم علي كدا..
المرة الجاية بعد كم يوم لو قدرت أكتب حاجة هتلاقي السبب..لكن أتمنى تصدقيني..
take care
bey
إيه رأيك..تسمعي افتكرتك..لسارة الهاني
هي مش أغنية قنبلة..بس كلماتها رقيقة..وناعمة
ع فكرة مشكلة الوقت الي عندك بسيطة اعملي بس بالاعدادات >>>التنسيق >>>> التوقيت الزمني الوقت عندكم على خط جرينتش يعني اعملي +4
وكلو حيكون عندك تمام يا عسل
كنت مارة منها وانبهت انك عندك مشكلة بالتايم
سلام مربع
تعرفى انا وصل بيا الحال
انى محروج اعلق او اقول اى كلمه من الى
مكتوب بجد دا شئ حزين شيئ مفزع ان يوجد
شيئ مثل هذا الشيئ الفظيع
كيف يفعل هذا بك ونحنو من نقرأ لك من
قلمك شعرنا برقتك وحنانك وابداعك
ورمانسيتك الجميله
يا الله على الحب ربنا يوفئك فى حب تانى
شوخص ميكنش انان ويارت يكون وحدانى
عشان ميكنش ليه غيرك
وانتى وعالمك التانى
هلا هلا با اخت القمر واخت البحر والنجوم واختى كيف الاحوال عساك بخير
السونج يجنن وخدى رحتك ومنتظرة تقولى اية السبب وانا مصدقاكى فى جميع الاخوال
وعلى فكرة فى عامل مشترك كمان بينا العمل فى مجال الاعلام
خايفة فى الاخر تطلعى انا انتى وانتى انا
تحياتى
انجل
الف شكر هروح اجرب يارب يزبط اصل قرفنى جدا حككاية التوقيت والتاريخ
تسلمى دايما
ادم المصرى
منور المدونة انا عاشقة الاحزان ومش كل شئ بكتبة بيخصنى على كدة كل يوم فرح واتى يوم حزن هنفجر فى الاخر
تحياتى
عاشقة حبيبتي
ليه كل الحزن والخيانه الفي البوست ؟؟
مادام الفكره من فتره وما بتمسك ليه بتكتبي كلام مؤلم كده ؟؟
تفاءلوا ...
الله يكفينا شر الخيانه والشواكيش .. الشواكيش ده مصطلح سوداني لما الواحده تسيب حبيبتها
هههههههه
صافي الود
سلام إزيك يارب تكوني بخير..
فاجئتيني بخصوص العامل المشترك كلامك صحيح..أصلي مكنتش أعرف إنك في مجال الإعلام..صدفة غريبة فعلاً..!
بس تعرفي..في عامل مشترك آخر بينا أول حرف من اسمي ميم وبعتقد إنتي كمان مش كدا؟..الاختلاف بينا بالتوجهات وطبيعة التفكير..بقصد المثلية أنا مش كدا أبداً..
بصي بصراحة أنا كتبت السبب بإسلوب سرد لمواقف حصلتلي ومريت بيها..والمشكلة مش عارفة أرسهالك مرة وحدة ولا اجزّئها ..براحتك شوفي اللي يناسبك..ومعذرة لو تأخرت يومين أصلي مش بس مشغولة دنا ساعات بنسى إسمي وبقولهم هو أنا اسمي إيه ماتفكروني :)
بكتبلك الكلام ده وأنا كمان ساعات ومسافرة ويمكن أرجع بإذن الله نهاية الإسبوع الجاي..ولو صادف وقريت ردك بحاول أرسلها على طول..
وماتستغربيش من الوقت أصلي بموت في الوقت ده..بحب ساعات الفجرية..أوي
Have a nice day
ابنوسة
ربنا يكفينا ويكفيكى شر الشواكيش ويبعد عنا اى احساس فى امل ويوفقك فى حب يمتلكك للابد
دمتى بخير
أخت البحر
دة احنا مشتركين فى الاسم حرف الام والعمل وحبنا لساعات الفجر وغير ذلك من الاشياء
انا معتبرة انها صدفة غريبة واتمنى ان تكون جميلة وترجعى بالسلامة من سفرك
انتظر المشترك بيننا
كيف الحال .. عساكِ بخير..
شفت ردك من ثواني .. وعاوزة أرسلك السبب ..
بس أتمنى أرسله على إيميلك.. ومش عارفة إذا كان عندك مانع ولا لأ ..
لكن على كل حال أنا هكتبلك إيميلي لو حبيتي أرسلك السبب ياليت تجاوبيني على الإيميل بتاعي :
Mahy99@hotmail.com
مع العلم بأني لسه مارجعتش من السفر..وأول مرجع هرسله لو جاني ردك على إيميلي..لأن اللي كتبته مش معايا هنا ..
أعطر سلام
اهلا باخت البحر
ترجعى بالسلامة انا ضفت الاميل وعموما انا اميلى موجود لو بصيتى فى البروفيل
منتظرة ردك
فعلا الخيانه صعبه وطعمها مر
غرام
ما اقصى ان يشعر المرء بانة مخدوع او مطعون بخنجر من الخلف
تحياتى
إرسال تعليق