الاثنين، 6 أبريل 2009

حكاية نوسة مع هند1


بعد الثلاثية الحزينة إلا وجعت بيها قلبكم وعنيكم قولت احكي لكم حكاية مدام نوسة

من فترة اتصلت بيا صديقة من أيام الدراسة من السعودية اسمها هند وقالت لي عايزاني احجز لها شقة حلوة وشيك في المهندسين تقضى فيها شهر العسل مع جوزها قولت لها بس كده يا حبيبتي من عيني وأنا معنديش فكرة عن الشقق خالص ومردتش أروح أسال في مكاتب الشقق ولا الإعلانات عشان صحبتي لو جت وعرفت صورتي ما تتهزش وتفتكرني معرفش شيء وأنا عاملة دايما أنى عالمة ببواطن الأمور

المهم سالت الأصدقاء لحد ما عرفت إن في صديق يعرف حد عنده شقق مفروشة وفعلا في المعاد روحت مع الحاج طلعت راجل كبير قد والدي وخبطنا على الباب وهوبا فتحت لينا حتة مكنة صاروخ ارض جو مووووووووووووووووووووووووووووووز على لوووووووووووووووووووووووز بالقشطه حتة خوجاتى أصلى قولت دى بنت ابلتى نوسة يبقى نوسة شكلها آية لقيت الحاج طلعت بيسألها بالانجليزي فين المدام يالهوى دى الشغالة لالالالالالا دة على كده تبقى ابلتى نوسة شجرة الموز نفسها وأنا فضلت ابص للقشطة ورقبتي هتتلوح وهى بتقول بعربي مكسر خالتنى أنا أتكسر وهى بتقول أتفضلوا .

المهم دخلتنا الصالون وقعدنا ولقيت صوت جاى من بعيد حد واكل ابنة زعلانه منك يا طلعوتى يظهر حد هنا أسمة طلعوتى ولقت حاجة زى الهجمة شبة عيوشة سجانة في سجن القناطر عارفين سباطة الموز هي العمود بتاع السباطة دخلت ولقتها شدت الحاج طلعت قصدي طلعوتى وقامت بيساة يخيبك يا حاج دة علامة الصلاة قد كده وأنا صراحة خوفت تشدنى زى ما عملت في طلعوتى نسيت أقولكم طلعت دة شبة طرزان طول وبعرض تخيلوا تبقى هى آية بس الحمد لله انى بنت شكلها ملهاش إلا فى طرزان وبس بصتلى وقالتى هاى وسلمت بقرف معرفش لية بلاش اقولكم كانت لبسة آية المهم حسيت بقرف كان نفسي في الموز الفرنساوي يعدل نفسي بس دى فضلت قعدة لحد مكنت هرجع فى وشها ونخلص.

المهم طلعوتى كلمها على الشقة قالت طيب يالله قوموا اورهلكم صراحة مكنش عايزة أروح ولا اجى كان نفسى افضل انا مع القمر الا يجنن دة تحسوا كده ديانا بسحرها على جسم كاترين زيتا جونز ملبن بجد ميتوصفش دة يتاكل المهم عمود الموزز خدتنا وروحنا عمارة شيك أوى بتاعة فنانين وجامدة طحن اول ما فتحت باب الشقة حست ان دخلت قصر كلة باللمس وحمام سباحة وجاكوزى وسونا وتلفزيونات نازلة من السقف وليلة وبار يجمالة من الا بشوفة فى الأفلام كان نفسي أصور المهم اتفقنا واتصلت بصحبتى وبلغتها كلة تمام .

استنوا بقى لما تشوفوا صحبتي مع الحتة الخوجاتى وعمود الموز وإلا حصلها ياعينى

هناك 7 تعليقات:

رولا يقول...

صبااااااااح اللوز والفستق والبندق...يا فتاح يا عليم عالصبح اللهم اني مرتبته..والبت دي بتفسد اخلاقي..وبتحرك الاستروجين عندي..اللهم ثبتني..ووقف الشريط الا عمال يلف في دماغي..وابعد الخيالات بتاعه الموز عني..اللهم ابعد عيون انجل عن هذا البوسن عشان متطلقش ويبقى زنبي برقبتك يا مووووني

احم احم استني لما اجمد شويه..واقول
بصي انا اولا مش بحب الخواجات..بقرف بصراحه..انا اموت بالعربي..الحته كده الا تتكلم وتتنفس وترمش وتمشي كله بالعربي..مليش انا بالنص لسان..انشالله تكون قنبله ذريه مش بس صاروخ..يا بنتي يا حته مني العربي يؤكل...لالالا ومش اي عربي..ده لازم يكون عربي عربي..
ثانيا انت البرستيج بتاعك بح خلاص..وقع وبقى بالارض..ايه نظام الشغالات الا انت داخله فيه علينا..احنا كنا زمان قلنا لو روبي شغاله..اهو يبقى ممكن ..بس حد تاني غير روبي كده يبقى طفاسه..عامله زي اخوانا..الا بالي بالك..يسيب القمر الا جنبه ويقضي حياته بالمطبخ..مع البصل..
من هنا ورايح اوعي اسمعك بتقولي برستيج..ومش امبراطوره كمان هاااا ايه رايك..(ده جزاء الا يدوب الناس عالصبح)
نيجي لنوسه..والحج قلعط..الا قلبتي بيهم معدنا عالصبح..طب مكنا بالموز ايه الا ودانا الصحرا..:)))))))))
كانت نفسي الست نوسه تكون هبدتك بوسه زي بوسه قلعوطتي..خلتك تحرمي الصنفين..تمشي كده بالشارع لا تبصي يمين ولا شمال..

صباااحك عسل زي البوست الا موتني ضحك عالصبح..
بقولك ايه..سيبك من هند انا اصلي نازله مصر قريب..ملاقيش اوضه فاضيه عند الست نوسه..

هههههههههههههههههههههههههه اشطه بالعسل يا موني
u made my day ya bet

عاشقة حبيبتى يقول...

صديقتى رورو

انتى تصبحى وانا امسى مساء القشطة بالكريمة يا عسل انا مش بفسد اخلاق حد انتى دخلة جاهزة وطلبتى غرفة عند ابلتى نوسة انتى مقامك قصر بجد بس يكون قصر عابدين

وبمناسبة البرستيج انا من تمنح الناس البرستيج مش هما الا بيمنحونى البرستيج عندما يتزوج ملك من انسانة ما عامة الشعب لا تنزل بة الى مستوى الشعب ولكن هو من يرفعها الى مستوى الملوك

استنى بقى الجزء التانى علشان زى ما موتى من الضحك المرادى هتفرفرى من الضحك

صباحك ومساكى عسل يا عسل بالاشطة البلدى

V.Hayat يقول...

اضحكتينى جدا تسلسل الاحداث وتشبيهاك للشغالة بالموز موز ووالحاج ابو بوسة وابلتك نوسة وفى انتظار المزيد ويمكن لما انزل مصر اروح اوجر عندهاموزة اقصدى شقة

تحياتى

عاشقة حبيبتى يقول...

عزيزى حياة

انت تنور مصر انا عاملة البوست دة علشان تشجيع السياحة فى مصر بس بلاش نوسة استنى تشوف هتعمل اية سعتها هتكرها جدا

تحياتى لك

dodo يقول...

عشوقتى وعسولتى...
اية يا اختششى البوستات الموز دى أيوة كدة يا عشوقة فكيها علينا دا أحنا حالتنا بقت صعبة ومفيش اي حاجة طرية بتعدي علينا يا أختشششى من زمان..... انا عوزاكى بقى تنسى موضوع فلعت دة وتدخلى زوم على المموز يا معلم.....

dodo يقول...

عشوقة نسيت اقولك حاجة ........
انت مجنونة بمصريتك... بجد انا مبسوطة جدا ان فية ناس قد كدة بتحب مصر و بتغير بالشكل الجامد دة...
(بالرغم من انى حاسيت انك دخلتى فى البنية داخلة جامدة والبت شاكلها عايزة تفرفشنا و اللة ) ولا اية يا عشوقتى...

باى باى يا عم الجامد

عاشقة حبيبتى يقول...

دودو

انتى يا بت هدبسينى فى انجل والله عارفة انها بتهزر وانا بهزر معاها انتى عارفة الشمال الا بتقولى علية دة وربنا كان يبقى كلام تانى خالص ولو تخدى بالك انا هزرت على نفس الرتم

وانجل صحبتتتتتتتتتتتتتى مش وحدة صحبة بلوج وخلاص تبقى نصيبة لو جت بكرة الصبح تقول انا معرفش عاشقة وتتنصل منى بس انا عارفاها عاقلة

على فكرة اى حد بيكون برة مصر بيعرف قيمة بلدة كويس اوى وانا فى مصر ولا كان فى دماغى لما سافرت بجد عرفت قيمتها ذى الابن لما يسيب حضن امة يعرف قيمة امة وغلوتها عندة مهما عملت عمرة ما يزعل منها ابدا


ويومين لحد لما الموز يستوى وانزلك الجزء التانى يا مهلبية انتى