الأربعاء، 24 ديسمبر 2008

كلمتين وبس


كلمتين وبس حد يقولي
هي المدونات الخاصة ببعض المثليين مسجات موبيل ؟
هل أصبح الحب لا يصبح حب إلا على صفحات المدونات ؟
لماذا لا تغلق هذة المدونات لتصبح مقصورة على اصحابها فقط واصدقائهم ؟

لقد لاحظت منذ عدة اشهربعد أن دعتني صديقة لمدونتها إنها عبارة عن رسائل بين شخصين هم في الأساس متلازمين مع بعضهم إما في حوارات خاصة على الماسنجر أو في الحياة فلماذا ؟ هل الحب أصبح بهذة السخافة والابتذال

من خلال مروري على المدونات كانت هناك لعبة مسلية جدا صراحة كانت احلي من مشاهدة المسلسلات أو قراءة القصص البوليسية والله فكروني بالمفتش كرومبو وهى معرفة من يرتبط بمن وعلى علاقة بمن وزعلوا أمته من بعض ورجعوا ولا لا بجد شيء مشوق جدا

حد هيقولي وأنتي مالك أية يزعلك يا حشرية خليك في نفسك كل إنسان حر في طريقة تعبيره عن حبة ، زمان كان عم عنترة بن شداد يفضل يقول قصائد في الست عبلة وقيس ابن الملوح يقول في الأخت ليلى يعنى تعبير الحب كان شيء راقي بقصيدة او رسالة حب ويقول فيها مدى حبة وحالة الوله حتى لو كانت كلمات مبعثرة مجرد خواطر اما مش ادخل مدونة وافتحها لمجرد اقول لحبيبتي صباح الخير تعالى بقى أنا منتظراك أو حد تاني يقول أنتي كلتى اية النهاردة منتظراك بالكيك وشاي الساعة الخامسة

هييييييييييييييية طالعين الملاهي
الحمد لله على نعمة العقل ربنا يهنئ سعيدة بسعدية وسعيد بمسعود

يالله كلمتين وحد يجوبنى بالله عليكم دة تسموة اية
يارب كلامى يكون خفيف عليكم
احترامى الكامل لكل المدونات واصحابها

هناك 10 تعليقات:

غير معرف يقول...

صديقتى عاشقة حبيبتى ..ان المدونات فتحت بابا كبيرا يستطيع كل انسان ان عبر عن راية بمنتها الصراحة دون ان يخاف من ردة فعل مجتمع لا يرحم..وحتى لو كانت هذة المدونات عبارة عن حوارات خاصة فهى مهمة جدالالن الانسان دائما يريد ان يعلن حبة امام كل الدنيا فعلي الاقل خليها على المدونات ,وكل واحد يا عاشقة حر في مدونتة ,,,,

dodo

غير معرف يقول...

دودو بنت ولا ولد اصل انا فى النقطة دى عنصرية شوية عموما الاحترام الكامل للراى الاخر

بس عايزة اقول شئ انا قولت كل واحد حر فى مدونتة حتى لو هيكتب كيلو الخيار النهاردة بكام بس انا بقول بلاش استخفاف بالاخرين

ويادودو اعتبر او اعتبرى البلوج دة موجة لناس معين ، ولا هى جت عليا ومينفعش ابعت مسجات يعنى

وياريت اشوف البلوج بتاعة دودو قريبا لان معرفتش اشوف مضمون البلوج بتاعك

وتحياتى لك

غير معرف يقول...

كل حاجة في حياتنا ممكن نستخدمها بشكل كويس بنلاقي مجموعه تانية استخدمتها استخدام ساذج وغير مفيد بالمرة
للاسف احنا اتعودنا على التقليل من شأن الاشياء وسؤ استخادامها كمان
متضايقيش نفسك قوي كده في الاول والاخر كل واحد حر
تحياتي

غير معرف يقول...

سلم لسانك يا اناحر اتعودنا فعلا على التقليل من قيمة الاشياء عندك حق

تحياتى ليك ونورت

غير معرف يقول...

يا جامد انت
بتعجبني البنت el agresif اوي كدة زيك
وكلامك صح مية مية ... كلنا بنوقع في الفخ ده .. فخ تحويل مدونتنا الي هي مفروض تكون مساحة اراء وحوار حرة ومفتوحة على جميع الاصعدة بين مجموعة مش حصريا ل كام شخص وبس .. انا انتقد نفسي قبل الاخرين لوقوعي فيه الى حد ما .. بس برضو في ظروف بتحكم في الواحد يتجه للتقنين في محتوى موضوعاتو الي بيكتبها لوجود احساس ضمني جواه ان ما فيش حد ح يتجاوب مع مدى عمق أو مدى الألم للموضوع الي هو عايز يوصلو للآخرين ...

كفاية كلام انا عملتلك صداع...
يبدو ان شخصيتك مشوقة

لنا لقاء

غير معرف يقول...

هتصدقينى يا شليمار انى اول ما شوفت تعليقك كنت عايزة اقرى الا كتبتية كلة فى ثانية وفى نفس الوقت اصابنى شئ من الضحك ومتسلنيش لية ولسة بضحك بس يمكن لان انتى بالذات كنت بتمنى تعليقك
على فكرة انا غيرت السونج بشئ تانى لان حسيت المدونة كلها احزان وجراح وكفاية احزان نفرح شوية

تحياتى ليكى ومنتظراكى دائما

غير معرف يقول...

اممممم كويس اني ضحكتك شوية يا ستي
أنا عارفة انتي ضحكتي ليه .. على شان انا لما كتبت التعليق كنت بضحك على نفسي وببتسم لما بفتكر موضوع البوست لأني تقريبا كنت متخيلاكي وانتي بتكتبي البوست ده وانتي كدة متنرفزة أوي وعايزة تفهمي ليه بيعملو كدة أصحاب المدونات ... وكللللللللللللللل ده عايزاه في كلمتين ,,, فا كنت بدور على كلمتين أشرحلك فيهم ما لقيتش .. فكتبت 100 وكلمتين اتنين ... ينفع يافندم ؟؟؟
أما مسألة نفرح شوية .. أنا بقول نأجل الفرح شوية لغاية ما أزبط أموري .....(:


سلامي وتحياتي ليك يا جميل

غير معرف يقول...

ينفع ونص يا شليمار
بس لية ناجل الفرح هو احنا نقدر ناجل قدرنا او موتنا ربنا يديكى ويدينى طولة العمر ونفرح
منتظراكى

غير معرف يقول...

انا قصدي الفرح ... الزفة والمأذون وكدة يعني كنت بهزر يعني عادي



بووووي = بااااااي

غير معرف يقول...

انا طبعا مكنتش اقصد بالفرح المازون والجواز اصل انا بعتبر الزواج شئ قدرى من عند ربنا
بس لما بقولك نفرح قصدى بكل شئ حوالينا بالناس الا بتهتم بينا بالحياة بالصحة بكل نعم ربنا علينا

happy new year 2009