الأربعاء، 6 مايو 2009

هذيان عاشقة



عذاب قلبي أن أكتب لمن لا يقرأ
عذاب روحي أن أنتظر من لن يأتي أبدا
عذاب فؤادي أن أحتاج من يحتاج إلى غيري
عذابي أن أحب من لا يرى حبي

****
أوهُمت بالحب فعشقت الحب فيكِ
****
لقد أصبحت أكرة قلبي وضعفي
أدعى القوة أى قوة وأنا متيمة بحبك
فأنا عاشقة مسلوبة الإرادة
عصفور داخل سجون قلبك
وقلبى ارق من يثور عليكِ
خوفا علية وليس عليكِ

*****
تمنيت
حبيبة تقدر قلبي وخوفى وهزيانى
وعقلى وطفولتى وعفويتي وغبائي
حبيبة ليست بشرا ولكن قديسة
تراني بشرا ولست آلها
تراني عاشقة ولست ملاكا

*****
الحب عندي بركان ثائر لا يعرف الهدوء

*******
تمنيت
حبا ثائرا كموج البحر
لا يهدأ بل يجعلني في عاصفة
لا يغدر بى في ثوراته
حبا يراني شمسا حارقة تذوب داخلة وتنطفئ فيه
حبا يراني قمر يضيئه أعماقه
حبا أكون انا لؤلؤته التي تقبع داخل أصدافه
لا يرى غيري في داخلة
حبا يراني نجوما تلتف حوله لتصنع عقدا أبديا
لا تنفرط حباته مهما طال الزمان
حبا أكون سحابة تتساقط كقطرات الندى داخلة
تتبخر بأحزانها وتعاود السقوط
حبا يذيبني كقطعة ثلج ولا يجعل منى سمكة تتوه داخلة
حبا ينفض عنى أوجاعي ويشفيني من أهاتى

*******
تمنيت وأعطيتك
أعطيتك قلما فأعطيتني خنجرا
أعطيتك روحا فأعطيتني جراحا
أعطيتك دفترا فأعطيتني تاريخا
منقوش فيه حروف من العذاب
بداء بحبك وانتهى بقتلى
ألهذا الحد أوشمت قلبي بك وجعلتي منى قلبك ميتا
لا وحبك لا وربى
سأمحيك عن قلبي مهما كان حبيِ لك

هناك 57 تعليقًا:

ذكرى رحيل قلم يقول...

السلام عليكم
تحياتي لك لما حسه قلبك وخطه قلمك فما اجمل الاحساس عندما يتوجه عذاب الحب فانه يجعل القلب يقول ويبكي ويفضفض ع الورق
تحياتي
رهف قلبي

رولا يقول...

ايه يا حته من البي انا لسا الصبح شايله البخور وببخر الكلام الحلو الا كله حب وعشق وبقرا المعوذات عالبلوج وانا مبتسمه كده وبطرح بركاتي ومغرقاكي بدعواتي الظاهر مبيحوقش او انا جيت متأخر ولا ايه
عارفه يا البي انا حسيت فيكي بكل حرف وكل همسه وكل كلمه وبقولك انت تستاهلي اكتر تستاهلي ملاك قلبه من نور وروحه اطهر من الطهاره ملاك يتعبد في محرابك للأبد وبرضه مش هيديكي حقك عشان انت ملاك بكل ما فيكي
يمكن البوست ده كتباه من مده وده احساسي معرفش بس انا اتمنى لنفسي اشيل عنك اي لحظه الم او عذاب اتمنى افديكي بروحي وهتبقى رخيصه جنبك عشان انت احلا وأرق قلب عرفته
والله ما عارفه اقول ايه بجد لما بحس بلحظه انك ضعيفه بحس نفسي اضعف بحس بعجز غريب وابقى نفسي اخبيكي بقلبي واخد عنك كل حاجه وحشه واديكي السعاده لو كنت بملكها
مكونش بحبك يا بت وانا مش عارفه :))) يا لهوي عالاستعباط ده انا مش بس بحبك ده انا بموت فيكي حته حته وشبر شبر

ايه الجرأه الا انا فيها دي :)) الظاهر شاربه حاجه بس يالله علقه تفوت ولا حد يموت هفضل كاتمه بألبي يختي وساكته لامتى كده هنفجر

بت يا حياتي انا بموت في المزه بتاعتك واعلا ما بخيلك بقى هااااا

انجل حيات البي بتسلم عليكي كانت مضربه عن البلوج بسبب سفري ودلوقتي انقطع النت وانا الا هضرب عن الحياه كلها الظاهره لحد مترجع لحضني بجد النت ده خانقني يا مون

وحشاني موووت يا حته من البي ويومين بس وجيالك عندي كلام كتيييييير ومخنوقه

كل الحب

عاشقة حبيبتى يقول...

ذكرى رحيل قلم

مش عارفة ارد على كلامك الحلو ولا على مدونتك الاجمل

عندما يعتصر القلب لا بد لة ان ينبض بقوة ويصرخ ويكتب كلماتة

دمتى بخير

عاشقة حبيبتى يقول...

حتة بس اية دة اية دة

استفزتينى يا قلبى انا وكان لازم ارد على كلامك الحلو دة لا بجد مستحملش انتى عرفانى بدوب واسيح

بت يارورو هو انتى مستغنية عن عمرك ياختى انا مش مستغنية عنك الكلام الا استفزنى بحلاوتة لا بد ان يستفز انجل بس مش بحلاوتة وسعتها هتيجى على دماغك


وربنا يستر عليا انا كمان وصفصف متقضيش عليا بس برضة انا بموت فيكى ومتكتميش فى قلبك اتبحبحى يختى وقولى دة احنا بينا نمر وشوكلاتة وبلاش نقول اكتر من كدة هنتفضح


على فكرة الكلام دة كتباة من زمان مقتطفات كدة فقولت انزل بيها لان ماليش نفسى اليومين دول اعمل شئ عايزة افضل قعدة فى السرير وابص فى الساعة والنتيجة ادعيلى يعدى اليومين دول على خير لان خلاص حسة روحى هتطلع قبل ما الايام تعدى

هما اليومين بتوعك دول باين عليهم بشهرين بسنتين مش يومين عاديين زى بتوعنا على فكرة حبيبتى وروحى ملاك الدنيا ونور عينى بتسلم عليكى وبتقولك قلبها متشعتف شوفتينى انا ديمقراطية بوصل السلام بامانة

ربنا يخليكى ويديم الحب والبلوك يارب كان صوباعك يتلسع ساعة معملتى البلوك

كل الحب لقمرى الغائب

حياتى هتستمر يقول...

اية الى الاستهبال والعبط للى على ودنو دة مين الشخصية المعلقة تحت دى البت كبرت ياناس وبقت تعاكس ابنى كبر ياناس طب عكسى حد تانى بلاش المنطقة دى علشان خطر وفيها جماجم وحجات بتهاجم
انا هبخر النت كلة من عينك يابت
دة انتى طلعتى بصمة اى واللة وفين البت انجل عنك سيبكى منطلقة علينا ولا اية
على العموم ليكى حساب لسا هرجعلك:(

حياتى هتستمر يقول...

اية الى الاستهبال والعبط للى على ودنو دة مين الشخصية المعلقة تحت دى البت كبرت ياناس وبقت تعاكس ابنى كبر ياناس طب عكسى حد تانى بلاش المنطقة دى علشان خطر وفيها جماجم وحجات بتهاجم
انا هبخر النت كلة من عينك يابت
دة انتى طلعتى بصمة اى واللة وفين البت انجل عنك سيبكى منطلقة علينا ولا اية
على العموم ليكى حساب لسا هرجعلك:(

V.Hayat يقول...

مساء الوردوالظل البعيد اللي على بابك
مساء الأحمر الفاتن ..
على توتك
وحشني الخوف في صوتك ..!
وظل الليل لو كدر نوافذ هالسنابل
جوع !
أحب الشوق لو جاعك !
رسمتك حلم ليلة .. فاتنة بالنور
وشراعك !
وانا في هالمكان اليابس المعتم بأوجاعك !

تحياتى

قلب امراه يقول...

صديقتي منمن
عارفه انتي قديش بتوتريني بهالبوستات الي بتكتبيها وبحس فيكي مخنوقه جدا احيانا بس شاطره ما يعجبك بوستات النكد تبعتي دي ما بتجيش نقطه في بحر النكد والعذاب الي بتمريريلنا اياه بهالنوعيه من البوستات فلازم حضرتك لما تشوفي مدونتي تنشرحي وتفرحي خالص ...
طبعا انا مطمنه عليكي جدا وعارفه انك بخير بس كان لازم تنكدي علينا شويه والا تبقي مش انتي ..
بالنسبه لهالبوست بالذات وهالكلام فهو رائع جدا وليس لدي كلام يصفه انه من اجمل ما كتبتي بس بلاشي تقولي بتموتي يا ريم بالنكد .
لا هو الي حصل اني حسيته طالع من قلبك بيوم من الايام ليصف حاله معينه بكل الالم والمعاناه ابدعتي
عذاب قلبي أن أكتب لمن لا يقرأ
عذاب روحي أن أنتظر من لن يأتي أبدا
عذاب فؤادي أن أحتاج من يحتاج إلى غيري
عذابي أن أحب من لا يرى حبي
من اجمل ما قرات لك حقااااااا
نيجي لشوية فرفشه ........
هي رورو تغيب تغيب وتسافر وتقفل مدونتها عادي محدش يكلمها وتيجي بالاخر على راي سما كاشفه راسها وبتدعي مش عارفه ايه كل التوتر الي هي فيه ومشحونه كده نفسها تجيب رشاش ترش المدونه والي فيها .....
دحنا الي لازم نحاسبها على كل حركاتها معانا والالوان الي عاملتلنا اياها بالبلوك تصدقي لهلا ما غيرتلي اللون للموف نعمل فيها ايه ..
بالاخر رغم اعجابي بكلامك الحلو اتمنى ما تكتبي مره تانيه بهالنفسيه ولا بهالعذاب ولا مره بحياتك يا رب تكون حياتك كلها سعاده وفرح وضحك وامل وتفاؤل ...هههه كلها اسماء بنات ( نضيف ريم ) هههه

رولا يقول...

البي يا ناس البي كوبايه ميه والنبي حد يسندني مش مسدئه حياتي نطقت احمدك يا رب
كنت متأكده انك محتاجه صدمه عشان تتحل عقده لسانك يا بت بس بصراحه مكنتش فاكره انك هتنطقي على ايدي:)))
بت بصي انا بعاكس بالمنطقه الحره ارض حكومه يختي ملكيش دعوه انت هتحاسبيني على مال الحكومه ؟؟
تنويه:- الحكومه الا هي انا طبعا ؛)

وحشاني يا بت وحشاني اوي اوي اوي هتقولي كدابه هقولك براحتك بس وحشاني غلاستك بجد
انت فين الايام دي؟مبقتش اعرف انت فبيت بابا ولا لسا عند الجيران اصل البلوك عامل عمايله:)))

بالنسبه لانجل هي مش سايباني عليكم انا الا هربت من الzoo ‎لوحدي دي لو مسكتني هتشنق ادعي بس النت يرجع عندها وانشالله تقطعني انا موافقه
طب يا عبيطه لو مش هعاكس صحابي اعاكس مين عالاقل هي فاهمه وعارفه والله من وراء القصد
بعدين انت وهي وكل الدنيا تعرف انا بحب مون اد ايه وبموت فيها اد ايه معلومه جديده يعني
بصي موني دي اللازمه بتاعتي حاجه زي الروح كده انشالله احب الف وحده اخدها معايا بكل حب برضه عاجبك حضرتك ولا عندك اعتراض؟لا لو عندك قولي
وجع ؛)

سلام يا عسل باللوز يا شوكلاته بالبندق :)))
ابقي ورينا سحنتك يا بت اصلها بتوحشني اوي

رولا يقول...

يا وكستي فيكم يا وجع البي يا خساره تعبي فيكي انت والبت حياتي
انا هلا بكل رقتي ونعومتي وانوثتي طلعت حامله رشاش يا مفتريه
مون يا حبيبي بذمتك شفتي رشاشات معايا؟ده انا حتى دخلتي عالبلوج كانت رومنسيه

وعلى فكره كنت بفكر اشيل البلوك عنك عشان شفقانه عليكي اكيد اشتأتيلي:))) بس هلا مددت البلوك شهر اضافي لغايه ما تقولي حق برقبتي
دمتي:p

غير معرف يقول...

عذابي أن أحب من لا يرى حبي
saba7o 3asal
2eh bas el goma deh ya fandem walahy gat 3al gar7 bas 3arfa kefaya eny 3ereft 2a7eb o dah sharaf leya 7ata law el taraf el tany ma2adarh kefaya eny 7asety b 7alawet el 7ob o 7aset b naro
yala salam ya 7elweeeen
3ala fekra ana shayfa asmaaketera awy
roro o bobo o koko o soso o asmaa ketera
salamy l kol el asmaa deh
bye bye

ريمان يقول...

الحمد لله انى علقت

انا كنت خايفه موت انك تكونى قافله التعليقات زى البوست اللى فات ومعرفش اعلق


ازيك يا صاحبتى عامله ايه

يا رب تكونى بخير

كلماتك لاحظت ان فيها


الم

وجرح

وماضى اليم

وحب عميق

بس لاقيت فيه كمان اصرار

والاخر لقيت فيه قرار


احييكى على توزيع العناصر دى فى كلماتك بشكل لائق ومرتب


تحياتى لقلمك المبدع

ــــــــــــــــــــــــــــــــــ


عذاب قلبي أن أكتب لمن لا يقرأ
عذاب روحي أن أنتظر من لن يأتي أبدا
عذاب فؤادي أن أحتاج من يحتاج إلى غيري
عذابي أن أحب من لا يرى حبى


بدايه رااااااااااائعه حقا

عجبتنى اوى البدايه دى

وطبعا فى النهايه عجبنى الاصرار والقرار


دومتى مبدعه

صدفة جميلة يقول...

اه التعليقات دى انتى مين هههههههههههه
على العموم الحب مارد يغزو القلوب وياخذها لعالم جميل ساحر بس جارحه كتير بيوجع لو كان حب بجد يارب ياريت تشرفينى المدونه عاوز اتعرف على صاحبة هذة الكلمات والتعليقات ماشى يابت

عاشقة حبيبتى يقول...

حبيبتى وعمرى وقلبى

بحببببببببببببك اوى وانتى عاملة زى توم وجيرى انتى ورور ارحموا نفسكوا وكنوا

عاشقة حبيبتى يقول...

حياة

عجبنى كلامك وانافى هذا المكان المعتم المحمل بالاوجاع

فعلا كلماتى لما كتبتها كنت محملة بالاوجاع والاهات

دمت بخير

عاشقة حبيبتى يقول...

ريم

بقى انا نكدية والبلوج بتاعك منعش طيب على الاقل انا النكد بتاعى بتلاقى فى روح الحب والدعابة عندك بقى تلقى البلوج يعينى كلة نكد وحيرة وفى الاخر تقوليلى اضحكى وبضحك يختى

ورورو دخلة بمدافع رشاشا دة رورو دخلة دخلة جامدة كلها انعاش وفرفشة وحب وشوق يالهوى هو فى زى رورو اسكتى خالص يا ريم متجبيش سيرة رورو

وبرحتها خليها حاطة وردة حمرا لحد ما الشوق يجبها بلاش تحسبوها اكيد قامت بذلك تحت ضغوط مقهورة

دمتى بخير وحب

عاشقة حبيبتى يقول...

رورو

انتى عسل ودخلتى دخلة حب وشوق سيبك من كلام البت ريم

ريم عايزاكى تدخلى تقولى اية الا عملتية دة يا مون انا هقتلك ومش هعرفك تانى سعتها تقولك اية الدخلة الرومانسية دى

ركزى انتى يا رورو كلامك كلة كدة يفرفر القلب ربنا ما يحرمنى منك يا قمر انت

عاشقة حبيبتى يقول...

سالى

ازيك يا قمر وحشتينى احنا ممكن نحب مليون مرة من غير محد يعرف بس الاجمل ان يكون فى احساس بين طرفين سعتها الواحد هيعيش الحب ولوعة الحب

بصى صفصف دى حبيبتى وعمرى ورور دى صحبتى والحتة الحلوة واختى وريم دى الصديق الصدوق واختى النكدية عايزة حد تانى تعرفية نعرفك اكيد سلامك وصلهم


بلاش تغيبى عننا

عاشقة حبيبتى يقول...

ريمان

انا اولعلك فى البلوج كلة قال تموتى علشان تعليق بعد الشر عنك اذا كنت اعرف كنت فتحتة مخصوص علشانك ياسلام

الا قرا الا كتبتة عجبة الجزء الا كتبتية اما انا اكتر جملة كتبتها وحستها اوى

اعطيتكى كتابا فاعطيتى تاريخ نقشتى فية حروف من العذاب


ربنا يسعدك بس قوليلى احنا مش كنا اخوات خلتينى صديقتك عموما ماشى مش هعترض

دمتى بكل الحب
اختك M

عاشقة حبيبتى يقول...

صدفة جميلة

اولا ياريت تانى مرة لما تخاطب حد تحترمة علشان يحترمك ، وكلمة بت دى تقولها مش ليا انت عارف تقولها لمين

تانى شئ شكرا لمرورك

قلب امراه يقول...

هاي يا اجمل صديقه
بقى تنصفي رورو عليا وتفرحي قلبها وهي اصلا ولا معبراناولا بتسأل فينا تيجي تعلق بهدوء وتنسحب
انا بقى الي مدونتي مفيهاش حب وكلها نكد طيب خلاص اشوف بعد كده مين حيضحكك
دنتي الضحكه الي بتضحكيها توصلني بسرعه
وكل كلمه والتانيه الاقي ضحكتك منوره
حاشوف مين غيري حيضحكك
يالله خلي رولا بتاعة الورود بكل الالوان تبقى تضحكك دنتي تدوري عليها وتموتي لغاية ما تشوفيها
رولا مددي يا ختي لشهرين براحتك ولا بيهمني انتي الخسرانه ضحكتي اصلا

وقلتلك غيريلي اللون بقى علشان زهقت من الاحمر انا
ماشي يا منمن يا عسل
طبعا رورو مفيش زيها اتنين
بس انا برضه مفيش مني اتنين غير صديقتي ريمان هههههههه
دمتي بحب يا رب

رولا يقول...

يا ناس يا شر كفايا قر


ريمو العسوله
مش فضيالك يا مزه بس هرجعلك تاني واخلي عيشتك الوانات

مون يا صمصوم البي من جوه يا بطين البي الايمن والايسر يا شرياني التاجي وغدتي الدرقيه سيبك من البت ريم اصلها بتحسد

قلب امراه يقول...

معلش يا منمن يا صديقتي
قلبنا المدونه للتشات وكله بسبب رورو اصلا شايفاها انا وهي مستنيه التعليق علشان ترد
انا بقى بحسد طيب يا رورو يا بنت بلدي محنا نبقى زي بعض على فكره
كمان تعالي هون على شو حاحسدكم على البلوكات المنوره بينكم انتي وهي بلا خيبه على راي منمن
والا على درس الاحياء الي كتبتيه هلا والا علم التشريح ده والا ايه حد يقلي
ايه اسمه ده البطين الايسر والغده والتاج والي مش عارفه ايه
حسيت حالي داخله مشرحه او مستوصف
مش مدونه حب وغرام
غيري يا صديقتي اسمها من الوجه الاخر الى اجزاء الجسم وتبقى رورو تاخد راحتها فيها
ههههههههههههههه

رولا يقول...

سامحها يا رب لسا جاهله
متقوليش بنت بلدي فضحتيني بقى الغزل العذري الا كتبته بدم البي فكرك بالمشرحه يا بت
ومستوصف واجزاء الجسم ده بقى قمه احساسك؟؟
هبله يا رب سامحها منتا الا خلقتها وعارفها
مون يا ضي عيني لو اتقتلت الليله فاقبضو على الفاعل :)))

عاشقة حبيبتى يقول...

حبيبى الحلوين هناء وشرين

يارب يسامح ريم بقى رولا بتقول كلام مش مفهوم وفية مشرحة ينهار ينهار دة رولا بتقول قلب وبطين شمال وبطين يمين انتى مش حاسة بالرومانسية الا بينا دة انا الدمعة هتفر من عينى والبطين بينزل دم

ويسامحك يارولا بقى بتتبرى من بنت بلدك لا لا لا دة ريم عسل وسكرة بس هى مش بتفهم فى الحب العذرى دة انتى قوللها اشياء فيها قتل وسككين هتقولك الله الله

والله انتوا الاتنين عسل وانتى منورين متكنى يارولا وارحمى البت ريم وشيلى البلوك من عليها هتموت وربنا بتفرفر ارحميها ياقاسية

قلب امراه يقول...

اسمعي يا رورو بقى انا الي جاهله وربنا خلقني كده مالو انا بقى بقيت وحشه طيب يا رورو ولا حافرحك فيا ولا تحلمي ادافع عنك يوم
ومنمن يا صديقتي قولي كلمتين مالك سكتي ليه والا عاجبك الكلام هي فرصه بقى بس كده توصل الامور لمستوى عالي وحنولع بالمدونه والي فيها
علشان سلامة الاحباب والاصدقاء اطلب من الكل اخلاء المدونه حالا
تستاهلي يا منمن قلتلك وقفي الموضوع
قلتي عاوز سواطير وسكاكين
كده حتفضى المدونه وافضل انا وانت ورورو ورقصنا يا جدع هههههههههه على البطين الايسر والغده الدرقيه هههه
اما اشوفك يا رورو
حاسبي على اي حته فيكي
وانتي كمان يا منمن
باااااااااااااي

عاشقة حبيبتى يقول...

ريم

يارب رورو تكون نامت احسن تيجى ترقصك على البطين والغدة والكلة والكلاوى وانا هترقصنى جوة القلب واذا نامت تلقيها مخبيانى جوة وانتى تتغاظى

عايزة دم للركب بس والله انتى سكر يا ريم البت رورو جدعة استفزت الطاقة الا جواكى

دمتى بحب

غير معرف يقول...

ya bnty yenfa3 keda
yala nazelt story gededa ba2a
ba2aly kam yom bashta3'al o mesh la2ya 7aga 2a3melha online
yala new stoooooory
salam ya 7elweeeeen kolko
roro o koko o momo
o koloko salam leky

عاشقة حبيبتى يقول...

سالى

انتى عايشة فين فى مصر ولا كاليفورنيا بلاش التجوال دة

انا الفترة الا جاية فى حالة استرخاء كويس اوى اذا كتبت اى شئ مش عارفة اجمع ومشغولة والله

تحياتى يا قمر

غير معرف يقول...

nooo ana 3aysha f california f city emsaha long beach 3al ba7r bas 3al blog i chamged it location 3ashan la2et nas betegy el blog mn el state o wana mesh 3arza 2a3raf 7ad mn hena aslan

ريمان يقول...

عاشقه جبيبتى

حلوه اوى عقبال مليون سنه الا 900 الف


ههههههههههههههههه

عسل والله

وانتى طيبه يا رب وبخير وبصحه وسعاده وراحه بال


ايوة انا بقيت بغير بقه وبحاول اكتب رومانسى زيك بقى


امال ايه بقى

تحياتى ليكى يا سكر


من حق بقى

انتى اختى وصديقتى كمان

فيها حاجه دى بقى

ههههههههههههههههههه


تحياتى ليكى

مع السلامه

عاشقة حبيبتى يقول...

سالى العسولة

مش كاليفورنيا دى بتاعة البرتقال فيها احسن نوع برتقال

انا زرت فلوريدا وواشنطن لان خالتى عايشة فى فرجينيا
بس قوليلى انتى مش عايزة حد يكلم من امريكا لية

تحياتى

عاشقة حبيبتى يقول...

ريمان اختى وصديقتى

اسكتى بمناسبة المليون الا ماية كنت كتبهالك مليون الا عشرة وفضلت احسب بس زبطت معايا الحمدلله

يارب تكتبى رومانسى علطول واتعلم انا منك

دمتى بكل الحب ربنا يسعدك

AMRO .O. ABDELHALIM يقول...

جميل ما خطه قلمك
وانت تستحقين الحب
دمتى بود

غير معرف يقول...

mmm
ha2olek el truth
3alashan et3araft ma3a wa7da f nyc o nemt ma3aha o kanet re7etha we7sha
f mn sa3etha wana arfana mnhom aslan
kefaya that they use toilet paper after they pee or poop
yaaa3
o ya fandem law 7abety tezory california l ur sister sally walahy ashelek 3ala rasy
salamoz

أسوور يقول...

الحب يعذب ويشقى .. نعم .. ولكنه زاد القلوب .. لا نستطيع أن نحيا بدونه

تحياتى لرقة كلماتك التى تقطر عذابا

عاشقة حبيبتى يقول...

amro

نورت المدونة وياريت تكررها دايما واشكرا على كلاماتك


تحياتى

عاشقة حبيبتى يقول...

سالى

وحشتينى وبلاش تتعرفى على حد مش مصرى البلدى يوكل مافيش احلى من خفة الدم المصرى والجمال المصرى

وانشاء الله اجى ازورك قريب

عاشقة حبيبتى يقول...

عزيزتى آسر

نورتى المدونة لما بشوف تعليقاتك عندى بيصبنى البهجة بجد كل الاحترام لك ولكل مواقفك


تقبل كل الحب

غير معرف يقول...

عاشقة حبيبتي

صباح الخير

ايه يا بت النصوص اللي بتوجع القلب دي ؟؟

الحب لا يعرف جرح او كرامه .. هذا الكلام عن تجربه

صافي الود

رولا يقول...

موووون يا البي ايه الصمت المريب الا انت فيه
وحشااااااني بقلق

م/ الحسيني لزومي يقول...

61 عاما علي النكبة
ونحن أقرب للعودة
والعودة حق لا عودة عنه
شارك في الحملة الالكترونية لإحياء الذكري ال 61 للنكبة ( عائدون)
ضع شعار الحملة علي مدونتك

ريمان يقول...

ازيك يا قمر


عامله ايه

قولت اجى اسلم واطمن عليكى


ربنا يطمنى عليكى يا رب

لاسع افندى يقول...

متردد اعلق
حاسس ان كل المعلقين هنا اصحاب ويعرفوا بعض

لكن اود تسجيل اعجابى بالموضوع

تقبلوا تحياتى ومرورى

dodo يقول...

أنت يا بت سا عشوقتى بتروحى فين كل ويك أند.........عمالة ادور عليكى مش لقياكى ......طيب خلاص انا و رورو هنأجر منادى يشوفك مستخبية فى اى بلوج يا قمر.........

ذكرى رحيل قلم يقول...

السلام عليكم
حبيبية قلبي انت فين لعل يكون نخير ان شاء الله هل انت في انتظار خيوط الليل كي تنسجين عليها كلمات من الرقة
والحنان
والامل المعصور بالالم
ارجومن كتاباتك هذة المرة ان تحل عليها البهجة المفرحة والقلب السعيد
تحياتي

غير معرف يقول...

ya bnt enty kewayesa wala da7'alty 7ezb 7asan nasr allah o busy ma3ahoom
tamenena 3aleky ya amar

رولا يقول...

ايه يا مزتي انت هجرتي البلوج خلاص ولا ايه؟
مش انا شلت البلوك :))) عايزين مولد بقى بالمناسبه دي والخروف على البت حياتي وريم تشع الزغروته
يالله عيشو اسرحو وامرحوا بقى انا اطلقتكم لوجه الله تعالى:))
مون عايزين حته رومانس مأكشنه ويا ريت سطرين رعب عشان البت ريم وسطر ونص نكد عشان البت حياتي وباقي السطور ليا وليك يا مدوب قلوب العذارى وساحر الفتيات ؛))

انطقي الله انا بدأت اتعصب على فكره من الصمت الرهيب الا مغرقه فيه البلوج والناس بدأت تبقبق تحت

وحشاني موت موت موت
مع تحيات الوساده الخاليه:))))

رولا يقول...

تسدئي بالله اسم بلوج يهبل الوساده الخاليه الله اما انت عليكي افاكير يا بت يا رورو تستاهلي بوسه عليها
ويا سلام لو تفاقمت الحاله ورحتي انت عامله اللحاف البارد يا عيني
شوفي بقى كم الرومنسيه الا هنكون فيها
عجبني الموضوع بس عايز تكتكه

دمتي برومانس:)) يا جلابه الخير يا انتي ...اسكتي انا نمت مبارح بكلم نفسي وكله منك يا فاعل الخير الا هو حضرتك طبعا:))

ثلام يا مززززتي

عاشقة حبيبتى يقول...

ابنوسة

فعلا مافيش كلامة بين حبيبين لانهم شخص واحد

دمتى بكل الحب

عاشقة حبيبتى يقول...

ريمان

وحشتيى جدا سلامك واصل دائما

دمتى بكل خير

عاشقة حبيبتى يقول...

لاسع افندى باشا

انت تنور وتعلق زى ما تحب واعتبر نفسك صديق واخ وكلنا نعرفك برضة


تحياتى

عاشقة حبيبتى يقول...

دودو

انا موجودة هروح فين بس اليومين دول انا عاملة بيات ربيعى
ومن غير منادى رورو قعدة معايا علطول يبقى انتى هتجيبى منادى يدور على رورو الاول

هحرمك منى شويتين كدة وارجعلك تانى

دمتى بكل الحب

عاشقة حبيبتى يقول...

رهف قلبى

وحشتينى جدا معلش انا اليومين دول فى بيات بس هختفى وارجع قريبا انشاء الله

تحياتى وكل الحب

عاشقة حبيبتى يقول...

سالى

انا كويسة ومعلش انى قلقتكوا عليا بس
اليومين دول مشغولة شوية بجهز لعملية مع حسن نصرالله

دمتى بحب

عاشقة حبيبتى يقول...

رورو

نزلت البوست علشانك اهو علشان انا عارفة لما بختفى بتزعلى اصل البوست بتاعى زى فنجان القهوة الصباحية

هعملك مدونة الوسادة الخالية والبطانية الساخنة والسرير البارد

بتوحشينى يا وردة الحمرا

غير معرف يقول...

ك جديد ، وأنا دائما البحث على الانترنت عن المواد التي يمكن أن تساعدني. شكرا لكم نجاح باهر! شكرا لك! أردت دائما أن أكتب شيئا في موقعي من هذا القبيل. يمكن لي أن أعتبر جزءا من مشاركتك لبلدي بلوق؟