الاثنين، 5 يناير 2009

ماذا تقول لو كنت مكانى


كانت أميرة تجلس أمام جهاز الكمبيوتر تقلب صفحاته حتى دخلت إلى غرفة دردشة مع مجموعة من الأصدقاء وبدأت تتحدث مع بعض الأصدقاء وخلال الحديث تعرفت على إحدى السيدات التي كانت تتحدث بهدوء وبطريقة لفتت نظر أميرة وبدا التعارف بين أميرة ونادية وبعد التعارف .
أميرة : على فكرة يا نادية أنا مثلية
لم يظهر على صوت نادية أي اختلاف ولم تبدى تغيرها في حوارها
نادية : أنا من زمان نفسي اعرف العالم دة
أميرة : عالم أية
نادية : عالم المثلية أنا عمري ما سمعت عنة إلا من فترة قريبة وكان نفسي اعرف العالم دة
أميرة : أية يا نادية عالم عالم هو حد قالك إننا من أطفال الشوارع وتتدخلي تتعرفي علينا وتجمعلنا تبرعات
نادية : لا بس أصل أنا من قراءتي ومعرفتي بالمثلين لقتهم زى عالمنا
أميرة : زى عالمك أزاي إنشاء الله
نادية : يعنى بيحبوا ويخونوا ويتعذبوا وأشياء كتيرة أنا كنت فكرة إن هما بيحبوا وبس علاقة وحدة ابدية
أميرة : معلش أصلة عالم من كوكب تاني وأنتي عرفتى بقى أنهم عالم من نفس الكوكب بتاعك
نادية : بس انتوا مش مضايقين عادين يعنى
أميرة : بجد يا نادية محساسى ان المثلين جاين من كوكب القرود وأنتي دخلة تتفرجي عليهم ، عايزة أقولك حاجة المثليين اكتر ناس حساسين ورومانسيين جدا ، وليهم شغلهم وحياتهم عادين زيهم زيك كل الاختلاف ان مش بيحسوا براحتهم ورومانسيهم الا من خلال بعض .
نادية : بس ليه بتعملوا كده ليه انتوا مش زينا ، لية مش عالم طبيعية زى ما ربنا خلقنا زكر وأنثى ، لية مش بتفكروا في بكرة لما تموتوا ويجى يوم الحساب وازاي بتدفعوا عن إلا بتعملوة رغم إن انتوا متأكدين إن هو غلط ومتقدروش توجوا حد بالا بتعملوة
أميرة : إحنا طبيعيين يا نادية وربنا خلقنا زينا زيكم يعنى كلنا بشر ، بنخاف من ربنا وبنفكر في بكرة بس إلا أنتي مش فاهمة .....
صمتت أميرة هل ترد على نادية وتقنعها بوجه نظرها ، أم أنها ستدخل في حوار عقيم وشائك لن ينتهي إلى شيء ، أم أنها مقتنعة برأي نادية لكن لا تستطيع إن تغير ما بداخلها .

هناك 16 تعليقًا:

غير معرف يقول...

عزيزتي فعلا هو كده بيكون الحوار بين واحد مثليه والتانيه لا نفس الاسئله توجهه كتير قدرتي تعبري عن الطرفين بكل اتقانلدرجه فعلا انا نفسي اعرف حيكون جواب اميره ايه والا ايه رايك ؟؟
على فكره طرح مثل هذه الاسئله بيخلي الانسان يرتاح اكتر اذا وصل لاجابه مقنعه عن تساؤلاته وساعتها رح يعمل الشي الي بيكون مقتنع فيه دون ان يخاف من توجيه مثل هذه الاسئله له ...
كلامك وقصتك حلوين وانتي اكيد كنتي عارفه رايي
بستنى دائما كل جديد الك
ويلا بقى كملي القصه هههههههه

غير معرف يقول...

عزيزتى ريما

الحمدلله ان الموضوع عجبك بس نفسى اعرف راى المثليين نفسهم واتمنى يجوبوا على الاستفتاء الا موجود هل هما مقتنعين بانهم مثليين

استنى وهنشوف الرد انا وانتى وبجد نفسى اعرف راى اكبر عدد من المثلين سواء اناث او زكور

تحياتى لك

غير معرف يقول...

الحوار واقعي ومنطقي جدا واعتقد ان مش هتكون في اجابة في النهاية يعني دايما بتفضل الاجابة مفتوحة
احييكي على الجرأة في التناول والبساطة في الاسلوب والبصمة الخاصة بيكي الموجوده في كل مواضيعك
تحياتي

غير معرف يقول...

عزيزى انا حر عايزة اعرف رايك انتى بقى فى المثلين الذكور وهل صادفت حد عن قرب وعلاقتك بية اية


تحياتى لك

غير معرف يقول...

حوار ليس بالجديد لموضوع لن ينتهى أبدا
فالقصة ليست قصة المثلية فقط بل هى قصة أمكانية تقبل الاخر وعدم اصدار الاحكام علية لمجرد انى لا استطيع ان استوعب كلامة او ان كلامة لايوافق اعتقادى..
صديقتى العزيزة اننى حتى فى هذا الموضوع اعترف لك باننى لاأستطيع ان أتخيل مثلية الرجل بل ولا استطيع ان افهمها فى الوقت الذى اجد فية كل المبرارات لحب المراة لجنسها ..ولكن ليس معنها ان اصادر حرية الاخر فليفعل ما شاء طالما لم يسىء.. ولا ايييية رأيك ؟

غير معرف يقول...

عزيزتى دودو

انا ضد المثلية الذكورية قلبا وقالبا لاسباب كتيرة من احمها تحريم وجزم بالزنا لان شئ فية ايلاج فمش معنى مثليتى وانى انثى مثلية ان هقبل الذنا .

لكن المثلية فى الاناث مختلفة فالحد بين المثلية الذكورية اما فى المثلية بين الاناث التعزير يعنى التوبيخ

بس انا عايزة اعرف راى المثلين لو حد سالهم هيردوا يقولوا اية

غير معرف يقول...

صديقتى العزيزة
انا اكيد ارتحت لانى حسيت انك بتفكرى بنفس تريقتى دة اولا
اما موضوع اننا نعرف راى المثلين فاسمحيلى انا بعتقد اننا لازم نفرق بين المثلية عند الرجل وعند المراةلان دوافع الاثنين مختلفة تماما وانت كمان اضفتى ان الحدود اكيد مختلفة وبالتلى درجة رضى كل من النثى والرجل اكيد هتكون غير بعض تماما..
علشان كدة انا ضد اننا نخلط الرأيين ببعض او نناقش الموضوعين كأنهم قضة واحدة .

غير معرف يقول...

صديقتى دودو

مش هقدر اجادل لان فعلا الاتنين مختلفين وانتى رايك صح ان مينفعش القضية تكون وحدة
بس الا انا متاكدة منة ان المثليين الاناث مقتنعين تمام الاقناع بكونهم مثليين

تحياتى لك

غير معرف يقول...

وانا كمان متاكدة من كدة ..لكن صديقتى الحبيبة انت تتكلمين عن المثليات المثقفات ولكن يا ترى ما الحال فى الاوساط الدنيا هل ستكون الانثى بهذة القوة فى فهمها لما في داخلها ... ؤاكد ليكى انك هتلاقى اجابات مختلفة وغريبة.....

غير معرف يقول...

بصراحة انا مصادفتش مثليين ذكور بس قضية المثليين عموما في اوقات ممكن وينفع نفصل الاناث عن الذكور واوقات تانية لأ
هقولك مثال يعني في الاحساس والحب اكيد الموضوع مختلف المثلية عند البنات غير الولاد انا بتوقع ده انا مش مثلي ومعرفش الحقيقة بس ده توقع مني
انما بيحصل التساوي من الجزء الديني اللي الحقيقة انا بعتبره شأن خاص بيهم وبين ربنا وبين المثليين لان الدين بيحرم المثلية سواء كان المثليين ذكور او اناث بس انا متأكد ان البنات او الاولاد عارفين الموضوع ده علشان كده انا مش بحب اتكلم فيه كل واحد حر في علاقته بربنا انا مش هحاسب البشر
علشان كده قلتلك ان في نقط اختلاف في العلاقة بين الولاد والبنات وفي نقط بتجمع الاثنين
تحياتي

غير معرف يقول...

دودو
انا لو بحثت فى المجتمع الا بتقولى علية يبقى هلاقى بلاوى بس على فكرة برضة مش كل الا على النت مثقفين فى منهم اشكال وانواع مختلفة وبيئات مختلفة ويسلام بقى لما تتعرفى على بنت فلاحة مثلية اوبا ابقى عرفينى لو اتعرفتى

تحياتى

غير معرف يقول...

عزيزى انا حر
اولا الجزاء الدينى مختلف فالذكر يعتبر زنا كامل ليس علية جدل لان فية ايلاج ويعتبر من اعظم انواع الزنا التى يهتز لها عرش الرحمن
اما الجزاء الدينى للانثى التعذير وهو اخف انواع الزنا اقلهم درجة .
اللهم ارحمن برحمتك يارب واغفر لنا


تحياتى لك

غير معرف يقول...

يا احلا عاشقه
حوار واقعي جدا وانا لو كنت اميره مش هبرر نفسي ولا انا ليه كده عشان الاخر مش هيضيف لقناعاتي بنفسي حاجه او يقلل منها الا لو كان في اصلا صراع داخلي مع النفس وانا فعلا قابلت كزا حد بيقع فريسه لتناقضاته فهو بين احاسيسه وهويته الجنسيه وبين الوازع الديني والقيم الاجتماعيه والاخلاقيه
انا من عندي هجاوب واحاور بس ابدا مش هسمح لحد يحطني ورا قضبان الضمير ويبتدي يعزف بحديده
انا عشان بحترم راي الاخر وانه عايز يفهم حاجه هو فعلا محتار طب ازاي وينفع نحس الاحاسيس دي عشان كده هجاوب واول مألاحظ انه هيتعامل معايا بنظره مختلفه هقلب السحر عالساحر
كله الا مثليتي يختي:)))
انتي والاصدقاء شتتو الحوار اوي لان موضوع مثليه الذكور ده موضوع تاني مستقل عايزله معلقات بس مش بوست

موضوعاتك دايما مميزه بجد اموت بالطاقه واستمخ عالأكشن

تحيات قلبيه

غير معرف يقول...

صديقتى واختى العزيزة

بصى انا بجد ما قبلتش حد واتناقشة معاه فى موضوع المثلية الا وحدة بس مكلمتنيش بشكل علمى وواقعى علشان ارد عليها لان لو معرفتش ارد عليها يبقى انا مش مقتنعة بالشئ دة
واى شئ فى حياتى لازم اعملة باقتناع وبناء علية لابد ان احترم راى اى حد هو الموضوع حسة انة اتشعب بس حلو

سلام يا هرقل عجبانى هرقل

غير معرف يقول...

التعزير يا عزيزتي ليس التوبيخ فقط؛ التعزير هو حد يقرره الحاكم أو ولي الأمر؛ بمعنى آخر التعزير حد مفتوح هذا أولا

ثانيا
أنا لا أتخيل المثلية الذكورية بتاتا ولكني أتفهم مثلية النساء إلى حد ما و لا أستطيع أن أقبلها على الصعيد الإنساني قبل الديني

الموضع بالنسبة لفهمي للمثلية لا تنحصر في الجنس وحده فقط؛ الواقع أن هناك كثيرا من النساء غير المثليات و لا يتزوجن لهدف الجنس فقط بل للاستقرار أو الإنجاب وخلافه فقد تتباين الأهداف؛ الواقع أن المشكلة كما أراها في العلاقة المثلية أنها تحرم الشخص من فرصة الحياة الطبيعية المستقرة؛ هل لك أن تقولي لي ما هي فرصة أن تعيش امرأتان معا على أنهما عاشقتان أو رجلان مثلا؟

أتذكر حينما تصفحت مرة إحدى مدونات المثليين الذكور أن كان مطروحا للنقاش موضوع "ماذا يفعل المثلي إن اضطر للزواج من إمرأة"؟ كانت كل اجابات تتمحور حول الجنس في المقام الأول ولكن أحد التعليقات من مثلي متزوج جاءت "بأن لا تحصروا الزواج في الجنس؛ أنا متزوج ولدي عائلة وأطفال؛ ففي النهاية أنا إنسان بحاجة إلى أن أستقر"

أما عن موضوع الفضول؛ فالواقع أن الانترنت قد فتح بابا مشرّعا يسمح لنا أن نتعرف بعوالم ما كنا نعرف بوجودها حتى في أرض الواقع

آسفة إن أطلت عليك ولكنني أحسست بالحاجة إلى التعليق هنا

تحيّاتي

غير معرف يقول...

الاخت العزيزة مياسى

اولا اهلا بيكى ونورتى المدونة وشرفتينى برئيك

ثانيا حكم الاسلام فى المثلية عند الاناث اولى درجاتة التعزير وهو التوبيخ واذا لم ترتدع يقام علية حد اخر يحددة ولى الامر والمقصود به المحكمة او شيخ ثم المرحلة الثالثة الرجم ودة موجود فى التفسير مش من دماغى .

نيجى بقى لكلامك اولا المثلية بين الاناث غالبة بنسبة 90 % بتنتهى بزوج المثليات مع استمرارهم فى علاقاتهم والموضوع مش محصور فى الجنس بالعكس بيكون عاطفة اكثر منة .

اما انا قولت وهقول تانى انا ضد المثلية الذكورية فهى حرام ويهتز لها عرش الرحمن ولا اتقبلها منطقيا ويعتبر شئ مرضى لذلك لا اسطيع التحدث فية.

وعلى فكرة كل وسائل الاعلام الحديثة من ستالايت الى النت ساعدت بشكل مباشر فى انتشار المثلية بشكر مباشر واصبحت منتشرة بدون استحياء .


تحياتى لك ونورتى