فتافيت السكر (الاخير)

وصلت هدى إلى منزل شقيقتها وكان الوضع سيئ فقد قابلتها بصراخ ولأول مرة تضربها وتطلب منها أن تحدد موعد للزواج من عادل حالا وإلا تعتبر أن ليس لها أهل وان تعود من حيث أتت وما أن حدث ذلك حتى جمعت هدى أغراضها مع تهديد من دينا بأنها ستبلغ عم أحلام بكل الحقيقة وأنها يمكنها الذهاب إلى عمل أحلام وعمل فضيحة لها هناك وأنها ستذهب إلى عميد الجامعة لتبلغه بحقيقة هدى عندما سمعت هدى هذا التهديد تراخت قليلا والتفتت إلى أختها
هدى : دينا أنتي عايزة تهدى مستقبلي
دينا : وأنتي أساسا بتعملي أية أنتي بتظلمي نفسك ونسيتي الرب بالا بتعملية وهتضيعى مستقبلك
هدى : أنا هسيب البيت مش هقدر اقعد معاكى يمكن بعد ما أهدى أفكر في كلامك
دينا : تفكري في اية يا هدى لازم تفوقي عموما أنا هسيبك تعملي إلا في دماغك وأنا عارفة انك هترجعي هترجعي

تركت هدى أختها وذهبت إلى الفندق واتصلت بأحلام لتخبرها ما حدث بينها وبين دينا طلبت منها احلام ان تاتى حالا ولكنها فضلت الذهاب غدا اليها وفعلا تقابلت احلام وهدى فى اليوم التالي وبدءوا في تجهيز الشقة التى سيعيشون بها عند عم أحلام الذي رحب بهدى عندما شاهدها وانتهت تجهيز الشقة خلال اسبوع واستطاعت هدى ان تنهى أورقها خلال هذه الفترة وتسلمت عملها في جامعة القاهرة بكلية اقتصاد وعلوم سياسية واستلمت أحلام أيضا عملها في السفارة الأمريكية واستمر الوضع عادى بين أحلام وهدى لمدة شهر ولكن فرضت عليهم قيود من حديد لا يستطيعون ان يكون بانطلاقتهم كما كان يحدث فى امريكا لم يكن لهم أصدقاء أصبحت حياتهم مغلقة جدا وانقطعت صلة هدى باختها دينا التى كانت تتصل بها دائما لتقنعها بكل الطرق على ان تعود الى البيت وكانت هدى أحيانا تتهرب منها وأحيانا أخرى تشعر بشيء داخلي يوجهها وتريد الرجوع إلى أختها دينا وكانت علاقة هدى بعائلة أحلام عادية ليس بها فتور وليس بها حميمية ولكن كانت مريحة

حتى كان اليوم الذي أتى فيه عم أحلام وصعد إلى شقتها وكانت هذه هي المرة الأولى التي يصعد فيها الدكتور سالم إلى شقة أحلام ودق الجرس وفتحت لة أحلام الباب
أحلام : أول مرة تجى الشقة يا عمى خير
عمها : أنا دينا جتلى النهارده وعايز افهم أنتي أية علاقتك بهدى
نزل السؤال كالصاعقة على هدى وأحلام
أحلام استجمعت شجاعتها : هدى حبيبتي وإحنا متجوزين
أصاب الذهول هدى من جرأة أحلام ولكنها أفاقت على صوت عم أحلام وهو يضربها
احلام : انت باى حق تضربنى
عمها : انا ولى امرك وعمك
احلام : انت ملكش الحق انك تضربنى وانا مش هكدب عليك انا انسانة حرة مش علشان اراء مجتمع متخلف هيخلينى عبدة
عمها : مين قالك انك حرة انتى عبدة بس مش عبدة لمجتمع انتى عبدة لشهواتك
الحر يا احلام هو الا يعرف معنى الحرية الحر هو الا بيتصرف بحرية فى اطارها الصح يعنى اروح اسرق واقول انا حر اروح امشى فى الشارع واشتم الناس واقول انا حر
انتى اتعلمتى تحترمى الناس علشان يحترموكى انتى دلوقتى محترمتيش نفسك عايزة ازاى المجتمع يحترمك او يحترم حريتك
احلام :وهو الضرب الا هيفوقنى لو انا غلط
عمها : انتى بنتى وانا محبش انك تكونى بالشكل دة نفسى اشوفك عروسة وفى بيتك وعندك اولاد وليكى حياتك
احلام : حياتى اهى انا عايشها وانا اخترتها
عمها : عايشها ازاى عيشاها مع بنت زيك مافيش اى شئ بيربطك ببعض الا حب وعلاقة جسد
احلام : ولم اتجوز هيكون صح ان اظلم انسان مش بحبة ومش قادرة احس بية .
عمها : ولية مش هتحبية انتى جربتى تعيشى فى النور ومعرفتيش جربتى تبقى ام ومعرفتيش انتى ربنا خلقك بنت وجواكى احساس الام مهما عملتى مش هتغيرى شئ
احلام : على الاقل قادرة اكون سعيدة مع حد ولقيت نفسى
عمها : انت كدة اخترتى سعادة الوهم سعادة مؤقتة انتى مسكتى الزيبق فى ايدك هتفتحى فى لحظة ايدك هتلقيها فاضية
احلام : انا محستش بنفسى ولا لقيت الحب الا مع هدى هى كل شئ ليا
قاطعها عمها : وهتقولى للناس اية جوزى ولا مراتى والناس هتسقفلك احلام انا مش هقولك حلال وحرام لانك عايشة فى مجتمع مش بيعترف الا بالحريات وبالرغم من كدة برضة لحد حريتك دى وهتلاقى ناس كتير بترفض علاقتك ومش هتعترف بيها ونظراتهم هتحرقك ، انت حسة انك تقدرى تنزلى تحت لمراتك عمك وبنات عمك وتقوللهم انا متجوزة الانسانة دى ، احلام : يلعن المجتمع دة مش عايزة
عمها : خلاص روحى عيشى فى جزيرة لوحدك وسعتها ولا حد هيقولك لا اما بدال انتى عايشه فى مجتمع يبقى احترمية علشان يحترمك ، أحلام عمرك ما حسيتي بإحساس الأمومة .
صمت عمها قليلا وأكمل حديثة فكرة يوم هديل بنت عمك لما كانت هنا عملتي أية
نظرت احلام كانها كانت تتذكر قطعها عمها فكرة بنتها مريم لما خدتيها فى حضنك وخرجتى بيها اليوم دة وخدتيها الملاهي وفضلتي تأكليها وتجرى معاها متقوليش انك اتصرفتى كدة بحكم القرابة لا إحساسك إلا جواكى .

وجهة عم أحلام حديثة إلى هدى أيضا التي أصابها صدمة من الحوار كأنها تذكرت دينا وما كانت تقولة فى اول معرفتها بأحلام وتذكرت نظرات زملائها فى الجامعة من زيارات احلام المتتالية لها فى الجامعة ولكنها كانت تكابر ولا تكترث بنظراتهم التي تحولت إلى سخرية واستخفاف بها

عمها : حتى أنتي يا هدى فكرة يوم مريم لما فضلتي تلعبي معاها انا مش هقولكم سيبوا بعض بس انتوا عايشين وسط مجتمع هيرفض العلاقة دى حتى لو هو قبل ان يعرف ان الست تكون بتخون جوزها هيقبلها اما علاقتكم انتوا عمر المجتمع ما هيقبلها وكل العالم هيقف ضدكم لو مكنش دلوقتى بعد شهر او شهرين تلاتة بس عمركم ما هتستحملوا نظرات الناس ليكم كلهم يكونوا أشراف وقضاة جلادين لازم تفهموا كدة .

هدى ازاى تقدري تقفي قدام الطالبة تقوللهم الصح والغلط وانتى نفسك بتعملى غلط لو جم بنتين وخدوا رأيك يا هدى أنهم على علاقة ببعض هتقوللهم اية


عاشت هدى وأحلام لحظات من الصمت أكمل عم أحلام حديثة بحنان الأب : أحلام هدى انتو بناتي أنا بكلم لان خايف عليكم من مواجه الناس وعمركم ما هتقدروا تقنعوهم بشيء مرفوض عمركم ما هتعرفوا تتكيفوا وهتفضلوا تهربوا من مكان لمكان أنا هسيبكم دلوقتى مع بعض بس لازم اعرف قراركم هيكون أية

خرج عم أحلام وتركهم سرحت أحلام فى حديث عمها وقولة المجتمع المجتمع انة مجتمع فاسد ينصب نفسة قاضى قبل ان يضع نفسة فى قفص الاتهام مش احنا افراد من المجتمع يعنى لو احنا بنرتكب غلط يبقى المجتمع هو السبب فية فمش من حقة يحاكمنا او يرفض تصرفتنا
نظرت أحلام إلى هدى التي كانت تقف بصمت لا تعلم ماذا تقول

قطع الصمت صوت أحلام : هدى انا هرجع أمريكا مش هقدر استمر هنا من يوم ما وصلت وأنا حسه إن تحت ضغط إحنا في مجتمع شرقى بيحكمة عادات وتقاليد من زمان اوى يقبل ان الرجل يعرف مليون بنت بس ميقبلش ان بنت تقول انا بعرف ولد .
هدى : بس انتى عارفة ان كان حلمى من زمان ان اجى مصر واشتغل فى الجامعة وبعد ما اتحقق حلمى مش هقدر ارجع تانى
أحلام: انتى حققتى حلمك وانا مكنتش جوة الحلم دة يبقى خلاص أنا لازم اخرج من حياتك ويكون ليا الحلم بتاعى
هدى : بس أنا بحبك
أحلام: انزلي دلوقتى الشارع وقولي انك بتحبينى تعالى نروح لدينا وقولى انك بتحبينى ، هدى احنا حسبناها غلط احنا عايشين وسط مجتمع ليه عاداته وتقاليده الا مش هنقدر نغيرها حتى امريكا الا كنا فيها كان في ناس برضة رافضين علاقتنا بس كنا بنتجنبهم مش هنقدر ننكر دة بس كان في مبدأ أنت حر ما لم تضر ، هنا لا أنت حر بالاسم أما الفعل المجتمع بيحسبك حر بمزاج مجتمع حر بمزاج عادات وتقاليد بتحكم كل الا عايش هنا ، هدى انا مش هقدر اواجة المجتمع دة معرفتش ارد على عمى يبقى مش هعرف ارد على مجتمع باكملة اسفة انا لازم ارجع امريكا وانتى دلوقتى الا فى ايدك القرار يا نرجع سوا يا ارجع لوحدى انا هنزل دلوقتى ابلغ عمى قرارى ان هرجع امريكا وهنزل احجز تذكرتين ورجعالك

أنهت أحلام حديثها وتركت هدى في انتظار قرارها وذهبت إلى عمها لإخباره بقرارها مغادرة مصر
عمها : مش هقولك لا ولا هقولك فكرى فى كلامي بس هقولك فكرى فى نفسك ومستقبلك فكرى بعد عشرين سنة هيحصل اية نفسي تيجى مصر المرة الجاية ومعاكى جوزك
واحتضنها عمها وقبلها تروحى وتيجى بالسلامة
نظرت له والدموع تملئ عينها احتضنته وتركته وخرجت وحجزت تذكرتان إلى أمريكا وعادت إلى المنزل الذي وجدت فيه هدى كما تركتها في نفس المكان وهى منهارة في دموعها جلست بجوارها وهى تحتضنها وأبلغتها ما فعلت وقالت لها الأمر الآن بيدك إما أن نبدأ معا وتستمر حياتهم هناك أو أن ينتهي ما بينهم للأبد وأعطها التذكرة وأخبرتها بموعد الطائرة وأنها ستبيت اليوم في فندق وتدعها تفكر لتستطيع أن تأخذ قرارها واحتضنتها وكانت الدموع تملئ عين أحلام التي تماسكت رغم انهيارها داخليا لتركها هدى ولكن كان لابد أن تترك هدى لتأخذ قرارها الأخير

في اليوم التالي وفى موعد السفر أنهت أحلام إجراءات السفر ولم تحضر هدى كانت دموع أحلام تنزل في صمت على عودتها وحيدة دون هدى وعلى قرار هدى بان تنصاع لعادات ومجتمع يحاكم غيرة قبل أن يحاكم نفسه مجتمع عين نفسه قاضيا ومدافع برغباته وأهوائه مجتمع يشكك في كل شيء ومع الإعلان الأخير للطائرة نظرت أحلام نظرة وداع كأنها تودع هدى ومصر للأبد ومع تحرك الطائرة انهارت أحلام في البكاء لم تعد تستطيع أن تتماسك أكثر من هذا وظلت أحلام تبكى على ما حدث وبعد أن استقرت الطائرة في الأجواء وهى ما تزال تبكى سمعت صوت من خلفها يقول لها لا استطيع الاستغناء عنك والتفتت أحلام لترى هدى وكان الدموع تملئ عينها فهل هي هدى فعلا أم كانت أمنيات من داخل أحلام ؟

تمت
اتمني ان تنال اعجابكم