حكاية نوسة مع هند 2

فى المعاد وصلت المطار واستقبلت صديقتى الا مشفتهاش من سنين وكنت ناسية شكلها المهم هى كانت حلوة مش عارفة حصل اية عوامل التعرية والتضاريس اثرت ولا اية ما علينا دى صحبتى برضة ومعاها جوزها ونبى سكر كدة تحسى ان حتة شوكلاتة سايحة على حلوتة ورقتة ونبى لو عكسوا هى الراجل وهو الست يبقى جميل بس يالله ما علينا

خدتهم ورحبت بيهم الشقة ودخلنا صحبتى وجوزها عجبتهم جدا وانبسطوا لحد هنا فل الفل شوية والباب بيخبط توقعت تكون المهلبية فتحت انا الباب لقيت مين لقيت حتة اللوز بالبندق يالهوى على الواحد وهو طفس وحالتة حالة كدة قالتلى مدام نوسة جاية قولتلها عنها مجت المهم انتى جيتى بلا نوسة بلا هم تعالى انتى دخلت حتة المهلبية وبسم الله الله ما اجعلة خير لقيت حاجة دخلة وراها والنور اطفى فى اية بسالها مين دى قالت الشغالة وشوية ولقيت عمود الموز جة ولبسة عباية خليجى كلها ترتر بربرق والعباية مفتوحة لحد فوق برحتكوا اسرحوا انتوا فى فوق برحتكم وشكلها يارب سمحنى كانت من غير شيئ خالص من تحت العباية ان بعد الظن اثم ما علينا

دخلت نوسة والمهلبية والليلة السودة وصحبتى شافت المهلبية لقيتها بعد ما كنا قعدين وبنضحك ياعينى وشها بقى اصفر لمونة وشافت نوسة وعبايتها السودة لقتها هيغمى عليها ونوسة مش تكن وتهمد لا مسكت الراجل وطول مهى قعدة تفقع الضحكة هئئئئئئئئئئئئئئئئئئئئئئئئئئئئئئئئئئئئئ هى تقول هئ وصحبتى تدخل جوة الكرسى لحد ما حسيت صحبتى بتطلع دخان ووشها بقى احمر وجوز صحبتى فرحان مع ابلتى نوسة وبعد الهئ والمئ

اتعدلت انوسة وقالت الشقة الليلة ب 5000 جنية هتقعدوا قد اية الراجل قال عشر ايام قالت اخد الفلوس مقدم والف كمان فى اليوم علشان الشغالة الا هى الليلة السودة وعلشان حتة المهلبية الا بالزبيت والقرفة انا بقى نطقت وسالت نوسة هى الحتة الخوجاتى دى شغلها اية بالزبط قالتلى مديرة اعمالى وبتاعة كلة لحد يومنا هذا نفسى اعرف بتاعة كلة يعنى اية

وفعلا الراجل دفع الفلوس وكلة تمام وصحبتى مش بتنطق بحرف اكنها كلت سد الحنك وخرجت سبت هند مع جوزها يقضوا شهر العسل ونزلت نوسة ومعاها الليلة السودة وحتة المهلبية ورجعت بيتى على الساعة سابعة بالليل

لقيت التليفون بيرن الساعة اربعة الفجر ووحدة بتصوت فى التليفون وبتقولى اجى فورا طلعت مين طلعت صحبتي وفعلا لبست قولت ربنا يستر هو جوزها ضربها ولا اية لا معندناش بنات تتبهدل ياخد شنطة ويمشى يولع وصلت وخبطت على الباب لقيت شنطة السفر جنب الباب وصحبتى راسها والف سيف تسافر دلوقتى والسبب ان طنط نوسة الله يجحمها جت بعد ما انا مشيت وفضلت هئ ومئ وقامت بايسة الراجل وصحبتى ولعت وحلفت ما تقعد فيها

طيب يا جماعة والفلوس الا ادفعت تقول مش عايزها عايزة ارجع بجوزى وجوزها نازل علية بالضحك وانا مش عارفة اعمل اية اتصلت بنوسة وصحبتى تصرخ تقول مش عايزة اشوفها عايزة اسافر حاولت اخد منها الفلوس طبعا خلاص الا دخل البنك مش بيطلع وفعلا خدت صحبتى وجوزها المطار وودعتهم وجوزها مازال يضحك وصحبتى بدات تفك اول ما وصلت المطار وبانت الضحكة وقولتلها اتمنى اشوفك تانى قالتلى انتى صحبتي بس مصر مستحيل اجيها تانى واتصلت بيا بعد اربع ايام بتبلغنى انها بتقضى شهر العسل فى تايلاند وانها مبسوطة وبتتمنالى الخير